زبانحال حضرت رقیه (س) به رأس امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم رجایی تبریزی
.
بابا خوش گلمیسن ویران سرایه قویمارام گیتسون
یتور هر گونه غم بو مبتلایه قویمارام گیتسون
.
.
او گوندن که وصالون ترک ایدوب آیریلمیسان مندن
گوروب بیکس عیالون ظلم بی اندازه دشمندن
اولوب آخر خرابه مسکنیم آیریلمارام سندن
داخی یوخ طاقتیم جور و جفایه قویمارام گیتسون
.
.
بابا دین مبینه خدمتون گون تک نمایاندی
کمند ظلمه دوشموش اهل بیتون دیده گریاندی
تالاندى خیمه لر سندن صورا اود وردیلار یاندی
چخوبدور دود آهیم تک سمایه قویمارام گیتسون
.
.
بابا کیم کسدی باشون یاندیروبدور قلب زهرانی
منی بو سنّیده قویدی یتیمه ائتدی زندانی
اسیر روم و دیلم تک دولاندوخ کوه و صحرانی
فراقون توش ایدوبدور هر بلایه قویمارام گیتسون
.
.
بابا ایتمشدیم ایمدی پر شکسته مرغ بسمل تک
جمالون عالم رؤیاده گوردوم خوش قیزل گل تک
ایدردیم ناله دردیمدن او گل شاخنده بلبل تک
ولی یأس اؤز ویروب من بینوایه قویمارام گیتسون
.
.
گجه گوندوز توکردیم اشکیمی وصلون سراقیله
گوروب رؤیاده قول آلدیم کمال اشتیاقیله
قولوم دوشدی یره قالدیم گینه درد فراقیله
دوشوب وصلون اله قیلّام گلایه قویمارام گیتسون
.
.
او قدری آغلادیم درده گتوردوم قلب زهرانی
بی بیم زینب اویاندى باغرینا باسدی بو نالانی
یزید بی حیا بولدی بو دردین وار نه درمانی
باشون گوندردی باخ طرز دوایه قویمارام گیتسون
.
.
گلوردون ایمدیکه ویرانیه ای شاه بی لشگر
نولوردی گلماقون بیر دم بولیدی آل پیغمبر
چخیدی شوریله پیشوازه بیر دسته قرا معجر
دییدیم من عجب گلدون هرایه قویمارام گیتسون
.
.
ولی صد حیف اولا بو گلماقوندان بی خبر قالدیم
بیلنموردوم ندور مطلب بی بیمدن من خبر آلدیم
دیدی دور آغلاما گلدی بابان وصلون اله سالدیم
یتشدیم صون نفسده مدعایه قویمارام گیتسون
.
.
نقدری دلخوشام گوردوم سنی بو خسته حالیمده
ئولوم آثاری هر لحظه نمایاندور جمالیمده
شکسته اولماسون قلبون منیم طرز مقالیمده
بابا سن سیز اسیرم اشقیایه قویمارام گیتسون
.
.
عجب وقته منی یاد ایلدون ای خسرو محشر
گلیدی کاش بو لحظه سنیله قارداشیم اکبر
او گل رخسارینی بیرده گوریدیم بو دم آخر
یاخندور جان ویرم پیک خدایه قویمارام گیتسون
.
.
«رجایی»، « اشرفیدور» چون سالان نظمه بو گفتاری
او نصف اوّلین یازدى قالا دنیاده آثاری
شریک فیض اولوب او سنده یازدون آخر اشعاری
سوزون قورتار یتیشسون انتهایه قویمارام گیتسون
.
#حضرت_رقیه
#بابا_خوش_گلمیسن_ویران_سرایه_قویمارام_گیتسون
#ترکی
.
.
✍️ #زبدةالاشعار ✍️
.
🆔: @nohe_torki
بابا خوش گلمیسن ویران سرایه قویمارام گیتسون #حضرت_رقیه_رجایی_تبریزی
نظر دهید