حرمله اوخلیان زمان اصغری قتلگاهده #اصغریه_کریمی_مراغه_ای

شهادت حضرت علی اصغر (ع)
..
..
..
..
#سبک_ای_حرمینه_ناز_ایدن … 4 سبک … واردی باشیمدا یا حسین … عطری گلور محرمین …
..
..
..
مرحوم کریمی مراغه ای
..
..
..
..
..
حرمله اوخلیان زمان اصغری قتلگاهده
فاطمه آچدی باشدا کی معجری قتلگاهده
..
..
..
..
..
قورتولوب اوخ کماندن اوج هواده آچدی پر
گلدی دگوب بوغازینه سالدی جهانه شور و شر
کاش دوشیدی اود او گون جمله یانیدی خشک و تر
حرمله نین اولیدی شل اللری قتلگاهده
..
..
..
..
..
باخدی او طفل آتاسینه گولدی دوباره آغلادی
شعلۀ آهله سالوب عرشه شراره آغلادی
گلدی دیله اوخ آغلادی حلقده یاره آغلادی
آغلادی اصغر آغلادوب لشگری قتلگاهده
..
..
..
..
..
باخدی آتا بالاسینه عالمی یاندیروب یاخیب
دوتدی بوغازینون قانین سولموش عذارینه یاخیب
بیرده باخاندا اصغره گوردی که گوزلری آخیب
قانه بویادی لاله تک تللری قتلگاهده
..
..
..
..
..
اولمادی بیر نفر دیسون حرملیه که ای دنی
اوخلاما بو غزالی سن قویما ملر رقیّه نی
خیمه ده گور آناسنون اوج ایدوب عرشه شیونی
اولما رضا ساچین یولا مادری قتلگاهده
..
..
..
..
..
یاندیراجاق آناسینی حشره کیمی بو نسگلی
یاندی سوسوزدان ایستدی سو دیسون اولمادی دیلی
اوچ گونه تک قماطیده باغلى قالوب ایکى الى
آچدی حسین او باغلانان پرلری قتلگاهده
..
..
..
..
..
اوندا آچوب او اللری گوردی بالاسی جان ویرور
گه بو غازینداکی اوخی گه دوداقین نشان ویرور
ایستوری ال ایاق چالا قوللارینا تکان ویرور
آغلادوری او حالیله کافری قتلگاهده
..
..
..
..
..
قویدی یره قماطینی آلدى الینه خنجرین
بند قماطینی کسوب آچدی بلکدن اللرین
ووردی یارالی قوش کیمی بیر بیره قانلی شهپرین
گتدی نجفدن آغلادوب حیدری قتلگاهده
..
..
..
..
..
بیر قدر ال ایاق چالوب دوشدی شماریه نفس
طایر روحی اوج ایدوب گوگلره بوش قالوب قفس
باخدی آتا بالاسینه گوردی داخی کسیلدی سس
یومدی او قانیله دولان گوزلری قتلگاهده
..
..
..
..
..
گوتدی او قانلی قونداقی آلدی گنه قوجاقینه
قویدی سوسوز دوداقینی قانه باتان دوداقینه
ناگه ایشیتدی غیبدن گلدی بو سس قولاقینه
ایلمه یا حسین عیان محشری قتلگاهده
..
..
..
..
..
نازل اولوندی شأنیوه ذبح عظیمون آیه سی
ایستمورم آناسینون سندن اولا گلایه سی
اصغری ویر قوجاقیمه واردی بهشته دایه سی
آغلاما حالون آغلادور گوگلری قتلگاهده
..
..
..
..
..
بیرده ایشیتدی تللیدن زینب مضطرین سسین
سسلنوری گتور حسین اصغریمین جنازه سین
ویر آپاریم آناسینه باغلیا بلکه یاره سین
صاف صولا باخما سسلمه اکبری قتلگاهده
..
..
..
..
..
لطف ایلیوب خدا سنه طبع روان کریمیا
نوحه یاز آغلا روز و شب ایله فغان کریمیا
قسمتون اولسا ایله سن ورد زبان کریمیا
حسرتیله بو یازدیقون سوزلری قتلگاهده
..
..
..
..
..