حسین دشت بلاده گورملی بیر امتحان ویردی #اصغریه_مجرد_اردبیلی

حالات حضرت علی اصغر (ع)
..
..
..
..
..
اصغر مجرّد اردبیلی
..
..
..
..
..
حسین دشت بلاده گورملی بیر امتحان وئردی
حسین یتمیش ایکی قربانیلن مردانه سان وئردی
حسین تن وئرمدی ذلتلره جانانه جان وئردی
رضای حق ایچون شش ماهه طفل بی زبان وئردی
حسین هیهات من الذّله نین متنین نشان وئردی
..
..
..
..
..
حسین گور نه نثار ائتمیش جهانی اوز پیامیندن
آلوب آزاده لر درسین اونون بیر بیر کلامیندن
حسین مخمور می دور وحدتین سرشار جامیندن
قیامتلر اولوب برپا اونون قانلو قیامیندن
حسین شمشیری مغلوب ائتمه گه مردانه قان وئردی
..
..
..
..
..
حسین معبوده اولدی کربلاده مجری فرمان
حسین قانیله یازدی حشره تک پاینده دور قرآن
حسین الله یولوندا بذل ائدوب یتمیشس ایکی قربان
حسین اکبر وئروب اصغر وئروبدور با لب عطشان
حسین عالملره اوز اوج ایثارین نشان وئردی
..
..
..
..
..
قلم عاجزدی شرمنده یازا بو درد عظمانی
او حالی اصغرون یاندیردی قلب شاه عطشانی
گتوردی لرزیه آفاقی یم عرش معلّانی
خرابه آز قالوب قالسون تماماً كون و امکانی
حسینه درد و غم یوز مثل بحر بیکران وئردی
..
..
..
..
..
گوروب اوخلاندی ظلمیلن بالا اول دم قوجاقینده
یولون گوزلر آناسی اوغلینون خیمه قباقینده
اولوب قان لخته لخته سود امر طفلون دوداقینده
گلوب سس ذات باریدن حسینون غملو چاقینده
حبیبیم صبر قیل گرچه بالون لب تشنه جان وئردی
..
..
..
..
..
قیام حشرده میزان عدلی من اوزوم قورّام
تماماً لشکر اعدانی من محشرده یاندورّام
او شش ماهه بالانی خواب حرمتدن اویاندورّام
اوزی بیر نوعیلن اولسا رضا اعدانی یاندورّام
بئله بیر مژده نی محبوبه حیّ لامكان وئردی
..
..
..
..
..
حسین گتدى الى اوستینده شش ماهه او قربانی
بونون گوزدن آخار یاشی اونون حلقینده آلقانی
خیامه دیزلری گلموبدی گئتسون گزدی میدانی
او حالی آغلادوبدور داش اورکلی فوج اعدانی
سوسوز طفله سوئی اوچ شعبه لی تیر و کمان وئردی
..
..
..
..
..
گورن کیمدور که شاه اوغلون بو حالتده دولاندورسون
بجادور عالمی حال امام تشنه یاندورسون
بوغازیندن آخان قانیله قونداقین بویاندورسون
علی لای لای دئدی تا طفلی رؤیادن اویاندورسون
بالاسین اوز الیلن توپراقا میر جنان وئردی
..
..
..
..
..
قویوب قبره دئدی یات اصغریم چون یاتمامیشدون سن
منیم بخت اولدوزوم اولدوزلار ایچره باتمامیشدون سن
بو نوعیلن بالا گوزدن بابوی آتمامیشدون سن
الان مقصوده چاتدون مقصده بیل چاتمامیشدون سن
سنه اوچ شعبه لی اوخ آیری بیر نطق و بیان وئردی
..
..
..
..
..
آنوا ئولمگون آیا نه نوعیلن عیان ایلوم
بو او خلانماقلقون شرمین نئجه آخر بیان ایلوم
اولار کی ئولمگون بی کس آنوندان من نهان ایلوم
یری وار ایندی دلدن آرزوی شیعیان ایلوم
بو حالتده او سلطانه تسلّی قدسیان وئردی
..
..
..
..
..
قویوب طفلی مزاره سرور دین دیده سی گریان
ائدوب تپراقین آتدا اوخلانان شش ماهه نی پنهان
گوتوردی اللرین درگاه حقّه یار مظلومان
دئدی مندن قبول ائت بار الها بیر قوزی قربان
بو طفل سودامر جانین فدای شیعیان وئردی
..
..
..
..
..
مجرد ویر توسل چنگینی شش ماهه قربانه
سنون گیزلین اولان دردون گله بو نوعی درمانه
قسم وئرسن حسینی اصغر حلقیندن آخان قانه
ائده بذل توجه لطفیلن بو ملک ایرانه
حسیندن ایستیه هر کیمسه حاجت هر زمان وئردی
..
..
..
..
..