خوش گلدون ای میر هدا ویران سرایه بو گئجه #حضرت_رقیه_غمکش

آمدن رأس حضرت امام حسین(ع) به خرابه
..
..
..
مرحوم غمکش
..
..
..
خوش گلدون ای میر هدا
ویران سرایه بو گئجه
شرکت ائدوبسن لطفوله
بزم عزایه بو گئجه
ای شاه خوبان
ای جان جانان
..
..
..
..
آغلار رقیّه هجریدن
عالملری داغلار یقین
یول گوزلیوردی بو گئجه
حسرت زده بو نازنین
اکبر باجیسی یا حسین
چوخدان اولوبدی دل غمین
باش چکمگه گلدون اَخا
بو بی نوایه بو گئجه
ای شاه خوبان
ای جان جانان
..
..
..
..
القصّه اول نالان بالا
سؤیلردی غملی مطلبین
آه و شراری آرتیروب
دیلده اونون تاب و تبین
قویدی یارالی لبلره
غملی بالا سولقون لبین
بلکه یارالی باش گله
ذکر و دعایه بو گئجه
ای شاه خوبان
ای جان جانان
..
..
..
..
برپا اولوب یوم بلا
آز قالدی دیللر اودلانا
افلاکیانه غم چاتوب
یئردن مصیبت قوزانا
باش دوشدی یا رب بیر یانا
دوشدی رقیّه بیر یانا
اوج ائتدی محنت گویلره
گلدوک نوایه بو گئجه
ای شاه خوبان
ای جان جانان
..
..
..
..
جان وئردی دخت شاه دین
اولدی قیامت شامیده
بیلمم نئجه آل علی
ایلوردی طاقت شامیده
زینب کفن محتاجیدی
اولدی خجالت شامیده
مشغولیدی زینب ولی
حمد و ثنایه بو گئجه
ای شاه خوبان
ای جان جانان
..
..
..
..
#حضرت_رقیه #غمکش #حضرت_رقیه_شهادت #ترکی #خرابه_شام #خرابه_شام_غمکش #زبدةالاشعار