ورود به مدینه
.
✍️ #زبدةالاشعار ✍️
.
🆔: @nohe_torki
.
#سبک_ای_حرمینه_ناز_ایدن …
مشابه
.
مرحوم خوندل
.
دور آنا قبر پاکیوه گلدی وفالی زینبون
قدّی خمیده زلفی آغ باشی قرالی زینبون
.
.
قبریوه آل احمدی دیده سی تر گتورموشم
گوزده سرشک درد و غم دلده شرر گتورموشم
اوغلون حسینیدن ولی غملی خبر گتورموشم
شرح غم ایلوری آنا اشک زلالی زینبون
.
.
ائتدی بو قانلی کوینگی یاره لی قلبینی رفو
باخ بونا گور نه ظلملر اوغلوا ایلیوب عدو
اوخ یریدی قلج یری تار به تار مه به مو
گوردی بو نوع اوغلیوی باشی بلالی زینبون
.
.
شرح ایده بولمرم نلر باشیمیزه گلوبدی من
دربدر ایتدیلر بیزی من دیمورم مدینه دن
غملریمون چکیده سی واضح اولور بو جمله دن
کوفه و شامی دیده تر گزدی حیالی زینبون
.
.
راه فراتی باغلادی ظلمیله فرقۀ جفا
سولدی سارالدی گل کیمی یاندی حریم مصطفی
واعَطَشائیله آنا دولدی دیار کربلا
آرتدی گوگلده محنت و درد و ملالی زینبون
.
.
کرب و بلاده کینه سین اهل جفا ایدوب بروز
عینُ الحیات قیزلارین ظلمیله قویدولار سوسوز
یاندوراجاقدی قلبیمی وار نه قدر نفس بو سوز
اولمیوب عمرینون عجب اوندا زوالی زینبون
.
.
قدّینه اکبرین ازل سالدی حسین اوزی کفن
عرصۀ رزمه گوندروب بیر گل غنچه پیرهن
باخدی دالنجا گوزیاشین توکدی امام ممتحن
شرح محالدور ایده بیر ایله حالی زینبون
.
.
نالۀ العطش عمو عرشه اوجالدی دمبدم
سالدی او دمده چیگنینه مشکینی صاحب علم
حیف اونوندا قولّارین ایتدیله اشقیا قلم
گئتدی حقیقت اول زمان جاه و جلالی زینبون
.
.
دوغرادیلار حسینیمون ظلمیله یار و یاورین
سالدیلا توپراقا آنا قاسم و عون جعفرین
تیر ستمله اوخلادی حرمله تشنه اصغرین
باد خزانه گیتدی اول تازه نهالی زینبون
.
.
گاه خرابه کوفه ده باغریمیزی ایدوبله قان
گاه چکوبله شامیده بزم یزیده شامیان
گاه خرابه ده قزون حسرتیله ویرنده جان
قالمادی دلده قدرت نطق و مقالی زینبون
.
.
«خوندل» اگر بو وضعیله گیتسه بو دور روزگار
باغلانی دل سینار قلم اهل ولا چکر فشار
فاطمیه توسّل ائت زینبه ایله آه و زار
واردی خدا یانندا چوخ قدر و جلالی زینبون
.
.
#ورود_مدینه_خوندل_تبریزی
#دور_آنا_قبر_پاکیوه_گلدی_وفالی_زینبون
#ترکی
.
✍️ #زبدةالاشعار ✍️
.
🆔: @nohe_torki
نظر دهید