حالات حضرت زهرا(س)
.
.
مرحوم احمد پورعطا (خادم تبریزی)
.
.
دوشرخیالیمه باشون بلاسی یا زهرا
سنه نه اولدی جهانون وفاسی یا زهرا
.
تمام عمروی اونسگیز ایل یازو ر اخبار
آز عمروین نه چوخ اولدی قضاسی یازهرا
.
اوگونکه گتدی الوندن پیمبر اکرم
اوجالدی گویلره شیون صداسی یا زهرا
.
او قدر ویرمدیلر اشقیا سنه مهلت
پیمبرین قوتولا بیر عزاسی یا زهرا
.
الوندن آلدی قبالون جفائیلن ثانی
گوورتدی رنگوی سیلی جفاسی یا زهرا
.
گوزیوه قرمزی گتدی او سیلینون ضربی
قولاقوین واریدی هم یاراسی یا زهرا
.
قاپون یاناندا ایوون غارت ایتدولر امت
او امتون یوخوموش بس حیاسی یا زهرا
.
قولون قرالدی خانم هم بالون شهید اولدی
ئولنجه اولمادی دردون دواسی یا زهرا
.
شکسته اییلدی پهلولرون او تخم زنا
که حققدن یوخوموش هیچ هراسی یا زهرا
.
عمواوغلوی باش آچوق چکدی بیعته ثانی
دیسم او ظلمی که یوخ انتهاسی یا زهرا
.
یتنده مسجده گوردون عمو اوغلوی باش آچوق
دوزنمدوز اودی نفرین بناسی یا زهرا
.
دوتوب امیدیله (خادم)حسینوین اتگین
اجابت اولموری هرگز دعاسی یا زهرا
.
حسین خاطرینه بیرجه باخ بو حضاره
ارکده وار هامینون مدعاسی یا زهرا
.
تمام حسرتیوق اوغلوین زیارتنون
نصیب اولییدی بو ایل کربلاسی یا زهرا
.
.
#فاطمیه #فاطمیه_شهادت #ترکی #خادم_تبریزی #زبدةالاشعار
دوشر خیالیمه باشون بلاسی یازهرا #فاطمیه_خادم_تبریزی
نظر دهید