دیل آچمیان غزل و شعریمه زبان گزورم #مهدیه_فیضی_اردبیلی

#ئورک_سوزی…
.
✍️ #زبدةالاشعار ✍️
.
🆔: @nohe_torki
.
دیل آچمیان غزل و شعریمه زبان گزورم
هجا هجا چالیشوب واژه واژه جان گزورم
.
ردیف و قافیه‌نین غصَه‌سی قوجاتدی منی
دیار شعری اودور قامتی کمان گزورم
.
چون آگهم که ادبسیز هُنرده ارزش یوخ…
ادب دالیجا همیشه دوان دوان گزورم
.
نه شاعرم، نه ادیبم، نه صاحب هنرم
زبان اَلکنیمه، قدرت بیان گزورم
.
مین ایلده عمر ائلسم شاعر اولمارام، بیلورم
شعور و معرفته چاتماقا نشان گزورم
.
مجازی عشقه چاتان یوللارا علاقم یوخ
فنا جهاندا رَهِ عشقِ جاودان گزورم
.
سالوبدی درده جهانی، نگارین آیریلیقی
بو غمده آغلاماقا، قطره قطره قان گزورم
.
مقصّرم من ئوزوم گر گورنمورم یاری
نه بیر نگار نهان، بیر مَهِ عیان گزورم
.
الیم دعاده الهی، هاچان گلور آقامیز؟
قالوبدی یولدا گوزوم صاحبَ الزَّمان گزورم
.
اوخی دعای فرج، شعرووی قوتار (فیضی)
که غصه‌دن یورولان روحیمه روان گزورم
.
#مهدیه_فیضی_اردبیلی
#ادب #شعر #شاعر
#دیل_آچمیان_غزل_و_شعریمه_زبان_گزورم
#ترکی
.
✍️ #زبدةالاشعار ✍️
.
🆔: @nohe_torki