زمین کرب و بلا مشک یا که عنبرسن #کربلا_کهنمویی

خطاب به سرزمین کربلا ، مدفن شهدای کربلا و حضرت سید الشهداء (ع)
.
.
مرحوم کهنمویی
.
.
زمین کرب و بلا مشک ، یا که عنبرسن
نه مشک و عنبر و، هر عطردن معطّرسن
.
شمیم عطریوی هر کیم آلور اولور بی تاب
مگر بو عطریله همبوی زلف اکبرسن
.
حسین ایگی گلوری نکهتِ ترابوندان
یقین او گل بدنه خوابگاه و بسترسن
.
جلالتونده برابر دگول سنه کعبه
مگر که عرش خداوند حیّ داورسن
.
نه عرش و فرش و نه بطحا و مسجدالاقصی
شرافتینده یتیشمز سنه که برترسن
.
بقاع ایچینده ایشیق گون کیمی ایشقلانوسان
اولار نُجومدی سن بیر مه مّنوّرسن
.
بو شأن و رفعت و جاہ و جلال و عزّتیلن
ملال و ماتم و اندوهیله مخمّرسن
.
گل و گیاهوه باخدیقجا اود دوتار گویلوم
خزان یتوب پوزولان گلستانه بنزرسن
.
فراتوین سویی هر گون گلور گِل آلوده
حسینه وئرمه موسن سو او دور مکدّرسن
.
اولوبدی قان اؤرَگون رنگوه وروب تغییر
یقین خجالت سیراب حلق اصغرسن
.
ز بس که سنده على قزلاری چوخ آغلادیلار
سرشگ دیدۀ زینبدن ایمدیده ترسن
.
سنی همیشه سالوب یاده گوز یاشی توکرم
آدون فداسی اولوم چون اَزلدن ازبَرسن
.
#آرزوی_کربلا #کربلا #کهنمویی #ریاضی_تبریزی
#زمین_کرب_و_بلا_مشک_یا_که_عنبرسن
#ترکی
#زبدةالاشعار