سن جدا اوسته اوخی آیه ی قرآنی حسین #کوفه_دلکش_زنجانی

کوفه
زبانحال حضرت زینب (س)
.
#زبدةالاشعار
.
: @nohe_torki
.
مرحوم دلکش زنجانی
.
سن جدا اوسته اوخی آیۀ قرآنی حسین
منده ساکت ائلیوم فرقۀ اعدانی حسین
.
.
اوخی قرآنوی ای معنی قرآن مجید
تا بیلونسون نئجه بی دیندی مریدان یزید
شرمسار ایله بو دشمنلرون ای شاه شهید
سربلند ایله گیلن عترت طاهانی حسین
.
.
قوریان لبلریله شرح وئر الله سؤزونی
خوار قیل ابن زیادون قوشونون هم ئوزونی
سخن حقّیله سن کور ایله دشمن گوزونی
ولی پر نور ائله دلهای احبّانی حسین
.
.
چوخ حقارتله باخور زینبه بو کوفه لیلر
سبط پیغمبر اکرم بیزی بیلمیلّه مگر
سن بولوندور گلن ای پادشه جنّ و بشر
بیز بنا ایلمیشوق خانۀ ایمانی حسین
.
.
سنه قربان اولوم ای جان رسول مدنی
جهد ائله قویما داخی طعنۀ دشمنده منی
حق کلامون اوخی تا حق بیله بو قوم سنی
شکّیدن خارج ایله ملّت نادانی حسین
.
.
جان وئرور جسمیمه مین مرتبه هر بیر نفسین
قلبیمون قوّه سی آرتور سن اوجالداندا سسین
اوخی قارداش اوخی الله سنی تأیید ائلسین
گینه احیا ایله بو زینب نالانی حسین
.
.
هاردا مهمانیدون ای برج نبوّت قمری
وجه وجه اللّهی مستور ائلیوب کول اثری
میزبانون یوخوموش شرح نبیدن خبری
کوللر اوستونده قویوب سن کیمی مهمانی حسین
.
.
شل اولیدی الی کیم ووردی سنه سنگ جفا
سجده گاهین قانی آخدی گل اوزون تاپدی خفا
بو قضایاده گرک شرکت ایدوم منده اخا
قویمویام تک چکه سن محنت عظمانی حسین
.
.
دئدی بو سوزلری توکدی یوزه گوزدن یاشینی
ایستدی ایلیه آگه یارالی قارداشینی
محمیلن چوبه سینه ووردی بلاکش باشینی
دیدی باخ حالیمه ای فاطمه نون جانی حسین
.
.
سنی گوردوم یارالی ای شه ملک دو جهان
تازه قان صورت گلگونیوه ایلر سیلان
زخمدار ایلدوم ئوز باشیمی منده بو زمان
بویادی صورتیمی بسکه آخور قانی حسین
.
.
«دلکش» غم زده قلبونده اولا هر دلگین
بو قدر جهد ائله پاک ایله ریادن اورگین
نیّت پاکیله دوت شاه شهیدان اتگین
هامو بیر دردین اولور چاره لی دامانی حسین
.
.
#کوفه_دلکش_زنجانی
#سن_جدا_اوسته_اوخی_آیه_قرآنی_حسین
#ترکی
.
#زبدةالاشعار
.
: @nohe_torki