عرشیان سسلندی بو میدانه گئتمه یاحسین #وداع_سیدبشیرحسینی

تصویری از وداع امام حسین علیه السلام
مَهْلاً، مَهْلا
..
..
..
سید بشیر حسینی میانجی
..
..
..
عرشیان سسلندی بو میدانه، گئتمه یاحسین
قدسيان يالواردى أُول سلطانه، گئتمه یاحسین
..
جبرئیل دوتدی عنان ذوالجناحیندن دئدی
آند وئرم من سنی قرآنه، گئتمه یاحسین
..
ئوپدی میکائیل او شاه بی سپاهین اللرین
حصر ائدوب اطرافوی بیگانه، گئتمه یاحسین
..
گوئیا محشردی اسرافیل صور غم چالوب
توسن اعدا گلوب جولانه، گئتمه یا حسین
..
قابض الارواح ائتدى التماس أُول حضرته
عالمی محتاج ائدورسن جانه، گئتمه یاحسین
..
سویلدی فُطرس کی الّی یئدی ایلدی نوکرم
قیل توجه نوکر و دربانه، گئتمه یاحسین
..
حضرت آدم قویوبدور قوینونا حسرت الین
یعنی رحم ایله شه مردانه، گئتمه یاحسین
..
نوح نوحه باشلادی فلک نجاته سویلدی
غرق اولار گئتسون هامی طوفانه، گئتمه یاحسین
..
تشنه دور دیدارینه خضریله الیاس نبی
عرض ائدولر اول شه عطشانه، گئتمه یاحسین
..
کعبه ی آمالی چون کعبه طواف ائتدی خلیل
شمع سن عالم سنه پروانه، گئتمه یاحسین
..
یوسف صدیق دامنگیر اولوب عرض ایلدی
میزبان رحم ایلمور مهمانه، گئتمه یاحسین
..
دست بیضا ووردی باشه حضرت موسی دئدی
خیمه لردن عرصه ی عدوانه، گئتمه یاحسین
..
عیسیِ روح الله عرض ائتدی سنه روحیم فدا
درّ اشکی دوزموشم مژگانه، گئتمه یاحسین
..
مصطفی و مرتضی و مجتبی فاطمه
سسلنولر گلمیشوق افغانه، گئتمه یاحسین
..
عالم معناده اونلار بیر به بیر یالواردیلار
توش اولارسان خنجر برّانه، گئتمه یاحسین
..
عالم ظاهرده امّا آل طاها آغلاشور
يالوارولار اول شه خوبانه، گئتمه یاحسین
..
قیزلارین بعضی دیوردی یثربه قیتر بیزی
قویما بو طائرلری بی لانه، گئتمه یاحسین
..
بعضی عرض ایلوردی ال چک بو بلالی باشیمه
گوئیا عمروم چاتوب پایانه، گئتمه یاحسین
..
بعضی عرض ایلوردی آغوشه منی بیر یولدا آل
قیل محبّت بو گوزی جیرانه، گئتمه یاحسین
..
بعضی عرض ایلوردی تاپشوردون کیمه بو عترتی؟
وار بیزه نه لانه نه کاشانه، گئتمه یاحسین
..
یالوارانلار هاموسی بیر یانه زینب بیر یانا
عرض ائدوب دنیا اولور غمخانه، گئتمه یاحسین
..
باغبانسان ترک ائدورسن بو سارالموش گوللری
بی توجه اولما بو بستانه، گئتمه یاحسین
..
سن گئدنده آز قالور روحیم بدندن آیریلا
آیریلوب من سیز اوزون رضوانه، گئتمه یاحسین
..
تاپشوروب زهرا آنام بو کوینگی گی اگنیوه
گئی ولی لطف ائت من نالانه، گئتمه یاحسین
..
تاپشیروب بیرده هله هلبت بوغازوندن ئوپم
قوی عمل ایلوم بوگون پیمانه، گئتمه یاحسین
..
قیل دعا بلکه ئوله زینب باجون سندن قاباق
قلبیمی دوندردی غم القانه، گئتمه یاحسین
..
قلبیمه قویدون الون لطف ائتدی صبر الله منه
دای دئمم جان وئرمگه جانانه، گئتمه یاحسین
..
مجلس ماتمده سنده آغلا سسله ای «بشیر»!
عرشیان سسلندی بو میدانه، گئتمه یاحسین
..
..
#وداع #سیدبشیرحسینی #حسینیه #حسینیه_وداع #ترکی #زبدةالاشعار