عمرمون گلی جفادن گل داخی سارالدی عمه #حضرت_رقیه_غفاری_زنجانی

زبانحال حضرت رقیّه (ع)
..
..
..
..
..
حاج اکبر غفاری زنجانی
..
..
..
..
..
عمرمون گلی جفادن گل داخی سارالدی عمّه
حقّیوى منه حلال ایت زحمتیم آزالدی عمّه
..
..
..
..
..
عندلیب گلشنم من گلموشم نواو داده
گللریم سولوب جفادن آغلارام بو ماجراده
درّ گنج مصطفایم دوشموشم بو غم سراده
گل کیمی خرابه یرده صورتیم سارالدی عمّه
..
..
..
..
..
اوچ یاشندا بیر اوشاقم محنتیم شماره گلمز
انتظارم اکبریمدن حیف او ماه پاره گلمز
آغلارام گوزوم باخار هی راه انتظاره گلمز
گوزلریم اونون یولوندا انتظار قالدی عمّه
..
..
..
..
..
باشیم اوسته گلسه عمّه گر او ماه پاره خوشدی
جان ویرن زماندا باخسام من او گل عذاره خوشدی
هر باجی ئولنده قویسا قارداشی مزاره خوشدی
گلمدی قویا مزاره بلمم هاردا قالدى عمّه
..
..
..
..
..
مسکنیم اولوب خرابه عمّه سینه داغلارام من
سیل اشگیمی جماله حسرتیله باغلارام من
آل حیدرون تفاقی برهم اولدی آغلارام من
آغلاماق سسیم بو یردن گوگلره اوجالدی عمّه
..
..
..
..
..
بیرده آغلارام بو غمدن چون سنی عزالی گورّم
ئوز باشوم کیمی سنونده باشوی بلالی گورّم
گون به گون اومه جمالی گل کیمی سارا لی گورّم
کیم سنون کیمی جهاندا غصّه دن قوجالدی عمّه
..
..
..
..
..
کیم جهاندا سن تک عمّه غرق قلزم وغم اولدی
قاره ساچلاری آغاردی غصّه دن قدی خم اولدی
گولمدی یوزی جهاندا غملریله همدم اولدی
داشه شیشۀ امیدین دست کینه چالدی عمّه
..
..
..
..
..
هانسی قیز منیم کیمون یا غرق غصّه و محندور
خصم الینده یا اسیر و دائم حسرت وطندور
بنذرم او عندلیبه حسرت گل چمندور
شهپریم سنوبدی زنده قالماقوم محالدى عمّه
..
..
..
..
..