خروج از قتلگاه
زبانحال علیامخدره زینب کبری(س)
.
.
عندلیب تبریزی
.
.
عیاندی عالمه گون تک حقیقتون یارالی
عدالت علویدور عدالتون یارالی
.
عزیز آنامین ای اللرده جان ویرن بالاسی
گوروم مبارکین اولسون شهادتون یارالی
.
ایاقه دور یولاسال قاره کوینگ اگنینده
گیدوری شامه بو قولباغلی هییتون یارالی
.
بو هیئت اهلینه آلله اوزی ویریب برکت
سالا بو عالمه آهنگ نهضتون یارالی
.
نه یاتمیسان گوزون آچ آغلا زینبین حالینا
بوکولدی قدی رشیده بو قامتون یارالی
.
وجب وجب سنه خاطردولانمیشام بوچولی
که بلکه قسمتیم اولدی زیارتون یارالی
.
آلوب قوجاقینه گودال قتلگاهیوی قان
مخوفیدور بومکان اقامتون یارالی
.
دوشوبدی یان یانا باشسیز جنازه لر عجبا
نماد عشقیدی بو بزم وحدتون یارالی
.
ایتیرمیشم گونی قرباندی یا که عاشورا؟
ویا قیامت ایدیبدورقیامتون یارالی
.
ورولارآغلیان اطفالی تازیانیلن
اسیرقوم ستمگردی عترتون یارالی
.
داغیلمیسان یره گویا سینان بیر آیینه تک
شکسته شیشییه چوخدور شباهتون یارالی
.
یغام بالالاری چولدن ویا سنی یردن؟
بوباره دن منه اولسون حمایتون یارالی
.
دانیشماساندا منیله گلایه ایلمرم
دیمم آزالدی باجیوا محبتون یارالی
.
ولی ربابی دانیشدیر سنی آنام زهرا
باخاندا آغلوری کیم گورسه حالتون یارالی
.
دونن بوتلی انینجه الین الیمدیدی
منیله همدمیدی دست رافتون یارالی
.
الین الیمدن اولوب دوشدی ساربان الینه
گجه نی اولمادی هیچ استراحتون یارالی
.
رقیه نی منه آخروداع تاپشوردون
یادیمدا قالدی دونن کی وصیتون یارالی
.
اوساعتیکه یانوب خیمه لر دوشوب قاچاقاچ
داغیلدی پنجه غارتده دولتون یارالی
.
وجودیمی نچه یول ایلدیم سپربالاوا
که قمچی گورمیه بوماه طلعتون یارالی
.
#کوچ_کربلا
#عیاندی_عالمه_گون_تک_حقیقتون_یارالی
#عندلیب_تبریزی
#ترکی
#زبدةالاشعار
نظر دهید