اربعین
زبانحال حضرت زینب(س)
..
..
..
..
مرحوم معزی اردبیلی
..
..
..
..
قارداش نه معطّردی مزارون باجون ئولسون
زوّاریوَه جنّتدی دیارون باجون ئولسون
..
..
..
..
ایلر بیلورم تُربتوه غبطه فلک لر
فوجیله گلور کعبۀ آماله ملک لر
اطراف مزارونده ملر قاره لچک لر
قمچی وورولوب یاندی اورکلر باجون ئولسون
ضربینده گینه گوگدی بیلک لر باجون ئولسون
..
..
..
..
من شامه گیدنده جگریم قانیدی گیتدیم
سینون دولی سنبل کیمی پیکانیدی گیتدیم
یرده یارالی پیکرون عُریانیدی گیتدیم
بیلموردیلر آیا هارالیدون باجون ئولسون
کسمیشدیلر الدن یارالیدون باجون ئولسون
..
..
..
..
سندن صورا دنیاده قرا گونلره قالدیم
گلدیم قولومی حسرتیله قبریوه سالدیم
پهلوسی یارالی آنامون عطرینی آلدیم
هم صحبتمیش حتمی سنیلن باجون ئولسون
ایکاش دانیشا ایندی منیلن باجون ئولسون
..
..
..
..
بو یرده بلانون یلی اسدی سولا باغلار
بو یرده گلستانی بجردن قالوب آغلار
بو یرده سویون آلدی صداسین اوجا داغلار
اما هامیموز تشنه دایاندوق باجون ئولسون
اصغر ال ایاق چالدی اوتاندوق باجون ئولسون
..
..
..
..
نه حرمله نه اوخ وار حسین کرب و بلاده
قوشلار قاناد آزاد چالور روی هواده
اوخلانمیاجاق گلسه هر آهو بو بلاده
گیتدی بو چوله اوچی دولانماز باجون ئولسون
آهو بوغازیندان یارالانماز باجون ئولسون
..
..
..
..
سندن صورا دشمن توکولوبدور خبر آلما
قیزلارووه شام اهلی گولوبدور خبر آلما
قدّیم غم الیندن بوکولوبدور خبر آلما
باران کیمی غم تیری یاغاردی باجون ئولسون
زهرا داریان زلفیم آغاردی باجون ئولسون
..
..
..
..
سر نیزیه اعدا یارالانمیش باشی ووردی
قرآن اوخودون یرده عجوزه داشی ووردی
رحم ایلمه دی باجیسینا قارداشی ووردی
چالدیم باشیمی محمله یاندیم باجون ئولسون
قان سوزدی ساچیمدان یارالاندیم باجون ئولسون
..
..
..
..
هند اوغلی آغاج اللرینه شامیده آلدی
قانلی باشووا ویردی شرر عالمه سالدی
مجلسده دانیشدیم سفرا بهتیده قالدی
تازه یارادان طشته گلوب قان باجون ئولسون
جان جان ددیم ای ناطق قرآن باجون ئولسون
..
..
..
..
باخ حُجبیه باخ معرفته تازه گلینده
فخر ایلمیشم ایلیرم هر عملینده
بیر قاره لچک ساخلیوب حسرتله الینده
دامادین اگر قبرینی ایستر باجون ئولسون
آهسته دیور بس نیه اکبر باجون ئولسون
..
..
..
..
سندن صورا باغلاندی حسین جان بیله قمچی
زجر آلدی بیابانیده محکم اله قمچی
چوخ ایستدیگون دختره ووردی ایله قیچی
رنگی سارالیب قلبی سخیلدی باجون ئولسون
خار اوسته، یوزی نیلی یخلدى باجون ئولسون
..
..
..
..
گیتدیم نگران شامه یانا یانه قیتدیم
جان ویردی گیجه سویمه لی دردانه قیتدیم
یورقون بدنین ساخلادی ویرانه قیتدیم
توپراقدا نهاندور قره تئللر باجون ئولسون
قالدی ئوپه قبرین کؤچن ائللر باجون ئولسون
..
..
..
..
روحین گوزلیم روح علی اصغره قوشدی
گیزلتمییَم اظهاره گلم من بیله خوشدی
گلدوک هامیمیز نازلى رقیّه یرى بوشدی
اولسیدى اودا عطر سپردی باجون ئولسون
شش گوشه مزاروندن ئوپردی باجون ئولسون
..
..
..
..
داغلی ئورگیمده وطنه یاره آپارّام
تای توشلارینا الده نشان قاره آپارّام
شامه گیده بیلسم ایکی گوشواره آپارّام
گوشواره سالا عشقی چوخیدی باجون ئولسون
جان اوسته قولاقینده یوخیدی باجون ئولسون
..
..
..
..
#اربعین #معزی_اردبیلی #ترکی #زبدةالاشعار
نظر دهید