قلم یازعاشقانه بیرغزل تاجان ایشیقلانسین #مهدیه_سدید_هریسی

یا مهدی
.
✍️ #زبدةالاشعار ✍️
.
🆔: @nohe_torki
.
سدید هریسی
.
قلم یازعاشقانه بیرغزل تاجان ایشیقلانسین
آلیشسین شوق عشقیله اؤرک هرآن ایشیقلانسین
.
گؤزل لردن گؤزل یارین جمال انوریندن یاز
اوخونسون کوچه بازاریده هریان ایشیقلانسین
.
او یاره منتظرعاشیقلره ابیات نابیله
وصالین مژده سین وئر تا شب هجران ایشیقلانسین
.
وصالین حسرتیندن یاز داشیبدی صبریلر جامی
قدم قویسون گؤز اؤسته دیده گریان ایشیقلانسین
.
سیلرلر یول لاری مژگانیله هر جمعه عاشیقلر
الرلر اشگ شوقی معبرجانان ایشیقلانسین
.
الهی اذن وئرگلسین اوعالم گؤزله ین یاره
نقابی آچسین اوزدن عالم امکان ایشقلانسین
.
ساچئلسین عالمه نورولایت کعبه بامیندن
شعاع نور حقدن منطق قرآن ایشیقلانسین
.
آئیرسین حقی باطل دن بووانفسا شرایط ده
یالان ادیانی افشا ایله سین اذهان ایشیقلانسین
.
خط بطلانی چکسین باطلین بنیادینه تاکی
حقیقت جلوه لنسین دنیادا ایمان ایشقلانسین
.
بساط ظلمی نابودایله سین تابلکه دنیاده
عدالت حاکم اولسون عدلیله دیوان ایشیقلانسین
.
«سدیدا» وارامیدیم جشن میلاد اؤز حضوریله
نه ایران بلکه دنیا نیمهٔ شعبان ایشیقلانسین
.
#مهدیه_میلادیه
#قلم_یاز_عاشقانه_بیر_غزل_تاجان_ایشیقلانسین
#ترکی
.
✍️ #زبدةالاشعار ✍️
.
🆔: @nohe_torki