پناه اهل جهان ای ولی و مولا گل #مهدیه_دانشوری_تبریزی

یا مهدی
.
✍️ #زبدةالاشعار ✍️
.
🆔: @nohe_torki
.
دانشوری تبریزی
.
پناه اهل جهان ای ولی و مولا گل
دونوبدی قانه اورکلر بحق زهرا گل
.
نه وقته جان قالاجاقسان حجاب غیبتده
جمالی گون کیمی رخشان و عالم آرا گل
.
حیات وئر بو جهانه ایا ولی زمان
که واردی لعل لبونده دم مسیحا گل
.
گوزل جمالووه مشتاق جمله اهل ولا
گئجه گونوز ائدوری ناله بلبل آسا گل
.
سنون یانوندادی اسرار و معنی قرآن
رموز عالمه علم الکتابه دارا گل
.
تمام شیعه لرون مهدی جان یولون گوزلور
که یوخ فراقووه دیلده توان و یارا گل
.
کرمله شمع جمالون نشان وئر اهل دیله
دولانا باشووه پروانه وار جانا گل
.
اگرچه درده سالوب قلبوی عمل لریمز
کرمله اونلاری عفو ایت نظرده دوتما گل
.
کسیلدی رحم و مروت بو خلقدن افسوس
دونوب اورکلر اولوبدور چو سنگ خارا گل
.
نه قدری صبر ائلیاخ هجرووه اورک دوزمور
بحق خون حسین و بحق طاها گل
.
قدملرون توزونی توتیا کیمی چکسون
تمام شیعه لرون گوزلرینه شاها گل
.
اوخونور آیه قران ولی عمل اولمور
حدود شرعی پوزوللار که یوخدی پروا گل
.
گئدوبدی صلح و صفا یئر یوزین دوتوبدی آقا
فساد و ظلم و شقاوتله جنگ و غوغا گل
.
قرار وئر یئر اوزونده حکومت واحد
لوای وحدت اسلامی ائیله برپا گل
.
نجات وئر بشری ورطه هلاکتدن
حدود و حکم خداوندی ائیله اجرا گل
.
تمام یئر یوزونی عدل و دادیلن دولدور
که تا اولا بو جهان بیر بهشت اعلا گل
.
کمین غلامیدی دانشوری قاپوندا سنون
محبت ائیله کرم قیل گوزوندن آتما گل
.
.
#مهدیه
#پناه_اهل_جهان_ای_ولی_و_مولا_گل
#ترکی
.
✍️ #زبدةالاشعار ✍️
.
🆔: @nohe_torki