هایاندا قالدون ای منیم امید و سروریم بابا #حضرت_رقیه_علی_خانزاده

زبانحال حضرت رقیه در فراق بابا
..
..
..
..
مرحوم علی خانزاده (عنبر) (1)
..
..
..
..
هایاندا قالدون ای منیم امید و سروریم بابا
دگوبدی آیریلیق اوخی سینوبدی شهپریم بابا
..
..
..
..
چیخاندا کهکشانیده سیاحته ستاره لر
قمر یانیندا اختری گورنده دردیم اوج ائدر
مثال بیر آتا دوتوب بالاسینون الین گئدر
گوزومده نقش ائدر سنی چو ماه انوریم بابا
..
..
..
..
بولوط سالاندا لکّه سین جمال ماهه تار اولار
خسوف ائدن زمان گئدر ضیاسی نوریدن قالار
دوتار شراره قلبیدن فراقه اختران یانار
دئمورسن هنچ گئدیم سولار منیمده اختریم بابا
..
..
..
..
طلوع ائدنده گون سحر افقلره شفق سالار
سیاه شب گئدر جهان او نوریدن ایشیقلانار
باخار او سن گئدن یولا غروب اولونجا بیقرار
اَلَر سرشک غم ئوزه غمونده گوزلریم بابا
..
..
..
..
دوتاندا غم خیالیمی سالاندا فکره غصه لر
بیبیم دئیر چوخ آغلاما سفرده دی بابون گلر
بو غملی قلبون اول زمان چاتار وصاله دینجلر
ولیک یوخدی بو سوزه اورکده باوریم بابا
..
..
..
..
سفر ائدن مگر دئمز قالوبلا ناگران گئدیم
اورکلری فراقیمه اولوبدی ایندی قان گئدیم
او جسم ناتوانه من وئریم دوباره جان گئدیم
دل آشناسین آختاریر وفالی دلبریم بابا
..
..
..
..
اگر چتیندی گلمگون بابا سنه فدا اولوم
خبر وئر اؤز مکانیوی کی منده آشنا اولوم
خدادن ایستیوم اورا مسافر آی بابا اولوم
گوروم سبب ندور بئله یوباندی ائللریم بابا
..
..
..
..
اوز اللریمله سالمیشام سلامت ائللری یولا
چوخ حسرتیله گوزلریم باخار ساقا باخار سولا
الیم اورکده گؤزلرم کی بلکه بیر خبر اولا
نه وار گلن نه وارگئدن کی نامه گوندریم بابا
..
..
..
..
سلامت اولسا بیر نفر مگر قالار بو مدتی
نقدری مشکل اولسادا گلر چکر اذیتی
یوبانماقین دئیر یقین نلر اولوبدی علتی
نه سندن اولدی بیر خبر نه گلدی اکبریم بابا
..
..
..
..
یتیملیگین توزی قونوب یوزومده غم غباری وار
او کیمسه غم یئمز اونون یانیندا غمگساری وار
دئمزله دل شکن سوزی گورلَّه چونکی یاری وار
منیم کی قالمیوب داخی جهاندا یاوریم بابا
..
..
..
..
ویرار شراره دللره عزاده «عنبرین» سوزی
اورکدن اودلانوب الر عذاره قانیاشی گوزی
امیدی واردی چوخ سنه براتین آلماقا اؤزی
شفاعت ایله حشریده شفیع محشریم بابا
..
..
..
..
(1)با تصحیح علیرضا حضرتی (ناعمی)
..
..
..
..
#حضرت_رقیه #علی_خانزاده #حضرت_رقیه_شهادت #ترکی #زبدةالاشعار