وصلت جانانه ازّل گون اولوب جان مشتری #حسینیه_بیضا_اردبیلی

شهادت امام حسین علیه السلام
.
✍️ #زبدةالاشعار ✍️
.
🆔: @nohe_torki
.
مرحوم بیضا اردبیلی
.
وصلت جانانه ازّل گون اولوب جان مشتری
قلب عالم قلبین اوپسون اولدی پیکان مشتری
.
.
علت تکوینم و پیر خرابات مغان
مستمر و مستقرم برزخ لایبغیان
لامکانم ائتمیشم کرب و بلا دشتین مکان
بو یره اولموش اودور یتمیش ایکی جان مشتری
.
.
جمله عبد اطعنی بیر ندای زنده دور
تا قیامت بو لوای نهضتیم پاینده دور
سر کنت کنز مخفیاً کلیدی منده دور
ایستمز پیدایش احببتَ برهان مشتری
.
.
نصّ قرآنیله واردور اوچ حیات و اوچ ممات
بیر نفر ممکن دگول بو مادّه دن تاپسون نجات
عرصه شطرنج ظلمتده اولوبدور شاه مات
پیلیدن سالسون وزیری اولدی عدوان مشتری
.
.
قدرتیم واردور ائدم طومار عرشی برملا
ها هوالمالک علی تحت السّما فوق الثری
ظاهر اولسون رستخیزیم حکمت ائتمور اقتضا
اولدیلار بو حکمته مین لرجه لقمان مشتری
.
.
ایلیوبدورغم احاطه دوره می مثل نگین
یا غیاث المستغیثین یا انیس المسکنین
شاد و مسرورم بیلر کیفیتین هر نکته بین
ایلرم شرم و حیادن دردی پنهان مشتری
.
.
من ئوزوم ئولسمده گر ئولمز ولی آدیم منیم
زنده ساخلار آدیمی واللهی سجادیم منیم
کمترین کالاسی جاندور نقد اسنادیم منیم
جنس هستی گورجگین تک اولدی یزدان مشتری
.
.
جان کیمین آغوشه آلام پرچم حریتی
بو یارالی باشیمون وار آیری بیر کیفیتی
من علیها فان اوخور گورسه چتین بو محنتی
پربها جنسه مگر اولماز شتابان مشتری
.
.
منتظردور وصلته تزکس بو باشین دردینی
ایستمز سو قانیلن یو تز بو عمرون گردینی
رویت ایله بیر به بیر قربانیمون هرفردینی
چون اولار روز وصاله لیل هجران مشتری
.
.
وجه وجه اللهیدور نور خدا ایلر ظهور
هر یره قانیم منیم آخسا یازار آیات نور
علم القرآنه اولسا بو گئجه منزل تنور
بیر ائله منزلگهه اولماز فراوان مشتری
.
.
مشتری تنها من اولام اوردا وار رمز و نکات
نیّر شان عظیم سن ایلرم حقیم ثبات
بو وجودیم لنگر خلقتدی کشتیّ نجات
ناخدای فلک دینه اولدی طوفان مشتری
.
.
شوق ائدر گرچه زواله نیّر لیل عبوس
چون موفّق اولماز ایلر کوکب بخت نحوس
ایلیر ظلمت ائوینده باز ناراحت جلوس
حشمت نوره اولار تنها سلیمان مشتری
.
.
کلک مشکین فامیلن «بیضا» یازورسان صبح و شام
رهرو عرفان اولوب مستور قوی قالسون کلام
مغزدار اشعاروون قدرین بیلر هاردان عوام
عارفانه شعروه اولموش عریفان مشتری
.
.
.
#حسینیه_بیضا_اردبیلی
#حسینیه_شهادت
#وصلت_جانانه_ازل_گون_اولوب_جان_مشتری
#ترکی
.
✍️ #زبدةالاشعار ✍️
.
🆔: @nohe_torki