گل ای امید دل بی شکیب و بی تابیم #مهدیه_روح_اله_اسماعیلی

یا مهدی
…
روح اله اسماعیلی (منادی)
…
گل ای امید دل بی شکیب و بی تابیم
گل ای قرار دو چشم خراب و بی خوابیم

گل ای یگانه چراغ هدایت بشری
گل ای شب سیه ایچره ایشیقلی مهتابیم

گل ای سحاب امید و عطا و بخشش و جود
میان دشت سراسر کویر و بی آبیم

گل ای حقیقتِ (مِن ماء کلّ شئٍ حَی)
گل ای جهان سنیلن زنده، حضرت آبیم

دایانما پرده غیبت ده ، چهره گیزلتمه

قوتار بو آیریلیقی ای غریب سردابیم

بو نامرتّبیِ وضع حالیمه ، باخما
گل ای خراب اولونان دلده گنج نایابیم

دیمَم که نوکریوم گر دیسَم یقین گوره جاق
ادب ملاحظه سینده نقیصه آدابیم

او یوزده یوخدی دیَم درگهونده مدّاحم
که مادح اولماقا ائتمز لیاقت ایجابیم

نه نوکرم و نه مدّاح با لیاقتیوم
فقط ایشیم بودورای فخر شیخ و هم شابیم

غلام حلقه به گوش غلام درگهیوم
و افتخار ایدرم بیرجه سن سن اربابیم

بهانه اولدی بو سوز دلدن اخذ کام ایلیَم
حضور اقدسیوه من ده بیر سلام ایلیَم

سلام اولا او گلِ گلسِتان سرمدیه
او صاحب شرف و دعوت محمّدیه

سلام او شاهه که عشقی اورکده لم یزلی
و صولتی اسدالله مثالی یعنی علی

سلام او کیمسیه نام نشاندی طاهادن
و عصمتین آپاروب ارث آناسی زهرادن

سلام او پرده نشین شاه کشوره علنی
و حلمی چون حسن مجتبی شه مدنی

سلام اولا به شجاعت چو سیّدالشهدا
و غیرتینده چو سقّای دشت کرب و بلا

سلام او طاعتی سجادی ، سعیی وافریه
سلام او دینه گوره باقری مفاخریه

سلام او کان شکیب و او معدن حلمه
سلام او جعفری آثار و کاظمی علمه

سلام اولا حججی همچو حجت رضوی
وجودی همچو جوادی ، نقاوتی نقوی

سلام آتاسینا بنزر شکوه و هیبتینه
و یاندیران اورگی اول ، الهی غیبتینه

خلاصه کشور عشقین بودور ولیعهدی
و گلسِتان ولانون بودور او خوش شهدی

نجه پبمبر آدی جمله انبیا آدی دور
آقامیزیندا آدی جمله آدلارین دادی دور

ز بس شریف و نجیب و عزیز و آقادی
هامی گوزل لیقا بو تک لیقیندا دارادی

بو دور او محییِ قرآن او حجت یزدان
بودور او قاطع برهان ، خلیفة الرَّحمان

بو دور او قائم برحق ، او صاحب دیوان
بو دور امام هامی دنیایه آشکار و نهان

بودورکه دولدوراجاق عدل و داده دنیانی
بودورکه شرح ایده جاق خلقه اصل جریانی

بو دور مفسّر اصلی ، کلام قرآنه
بو دور بقیعیده آغلار قالان یانایانه

اودور که شعله دل آسمانلارا سالاجاق
آناسینون بو قانین اهل کینه دن آلاجاق

خبر ده وار آقامیز اوندا که ظهور ایلَر
خدنگ محنتیلن قلب عالمی پیلَر

ز بس که آلماقا قانین آناسینون تَلَسَر
قویار بقیعه طرف یوز گوزینده اشک بصر

سویوندورر دل پر محنت عزاداری
مزاریدن چخادار اول ایکی جفاکاری

الینده تیغ عدالت گوزون پر آب ایلر
او ایکی ناکسه بو نوعیلن خطاب ایلر

بو گوندن اوتری دی من اوتموشام جگر قانی
ویرون جواب منه سیز، ای اوّل و ثانی

سوزوم یوخ عهد غدیری نه نوعی سندردوز
دیون نَدَن آنامین درگهینی یاندردوز

اگر چه کینه زی آل عبایه بولدوردوز
آنام بتولی دیون نه گناهه ئولدوردوز

مگر بوییدی دیون اجرت ذَوِی القربی
بابام باخا باخا سیلی دَگه منیم آناما

تصور ایتمه  #منادی خطا گیدوب قلمون
دایان تحمل ایله قلبیده قالاندی غمون

مگر او گون که چاتار باشه هجر ایامی
ظهور ایدر آقامیز صبحه دوندَرَر شامی

همان او گوندی که بیز مقضی المرام اولاروق
رکاب مهدی موعود ده غلام اولاروق

و شیعه نون او زمان قورتولار اورکده غمی
بقیعه نصب اولونار فاطمیه نون علمی

 #مهدیه
 #گل_ای_امید_دل_بی_شکیب_و_بی_تابیم
 #روح_اله_اسماعیلی
 #ترکی