زبانحال زینب (س) به امام حسین (ع)
در شهادت حضرت زهرا (س)
..
..
..
..
مرحوم انور اردبیلی
..
..
..
..
گل قارداش حسین گل سنه قربان آنام ئولدی
من آغلیورام سن اوخی قرآن آنام ئولدی
..
..
..
..
سولدی گل بی خار گلستان نبوت
تاپدی ابدی مغربی خورشید فضیلت
قویدی آنا سیز زینبی دینجلدی طبیعت
چرخون روشی کام دل ثانیه دوندی
جبریل گلن خانه عزا خانیه دوندی
..
..
..
..
بالیننه یتدوم آنامون من بو خیاله
صحبت ایلیم یتمدوم افسوس وصاله
رد ایلدیم اول پرده کی سالمشدی جماله
درک ایتدیم او آز سینده معدود یاشیندا
زلفی آغاروب قاره توکی یوخدی باشیندا
..
..
..
..
رؤیای اجل خوش گلوب اصلا گوزون آچمور
شیدالرینه باخموری شهلا گوزون آچمور
هی سسلیورم من آنا زهرا گوزون آچمور
گل سسله منه ویرمدی سس قلبیم آلشدی
ایستکلی سی سن سن سنیله بلکه دانشدی
..
..
..
..
غم گلشنینون اولدی باجون نغمه سراسی
دنیا قفسین ترک ایلیوب عفت هماسی
یوز قبله ده خاموش یاتوب یوخدی صداسی
بیر پیرهن عشق آنامدان سنه قالدی
آز سینده دنیا غمی اما منه قالدی
..
..
..
..
غمله دولانور عقربه ی ساعت عالم
آهیم اوجالوبدور بویوروب عالمی نالم
زلفیم کیمی حالیم پوزولوب غرق ملالم
بوندان صورا زینب نقدر آغلاسا خوشدی
قنفذ منی آخر آناسیز قیزلارا قوشدی
..
..
..
..
بو فکری ایدوب قارداش ئورکدن یانورام من
گیتدی آنامون یار و مددکاری الیندن
کاشانه میزه حمله اگر ایلسه دشمن
سینه یارالی مسجده بیرده قاچان اولماز
اولسا آتامون قوللاری باغلی آچان اولماز
..
..
..
..
ئولسه آناسی رسمیدی اوّل قیزی اوخشار
استادم ئوزوم بو ایشه سوزشلی سوزوم وار
زینب دیله گلسه دوزه بیلمز در و دیوار
زینب کیمی زهرا آناسین اوخشیا کیمدی
کلثوم کمکچمدی منیم منتظریمدی
..
..
..
..
عنوان ایدرم غصه لی محنتلی آنام وای
ام النجبا شأنلی عصمتلی آنام وای
سینه یارا پهلولری ضربتلی آنام وای
قنفذ ستمی طاقت آرامین آلان وای
غملی الی غملی ئورگی اوسته قالان وای
..
..
..
..
آئینۀ اجلالی جفائیله سنان وای
سنّینده جوان پیر کیمی قدّی کمان وای
مسمار یریندن اولان آلقانی روان وای
گول پیکرینه ظلمون الى قمچی وران وای
یورقون سسیله فضّه نی داده چاغوران وای
..
..
..
..
غم ابری دوتان لیله ی مهتابین آنام وای
مژگانی توکن گول یوزه خونابین آنام وای
تاریک قویان قبله ی محرابین آنام وای
آغوش مصیباتیده یورقون بدنیم وای
دردی ئورگیمده ئوزی الدن گیدنیم وای
..
..
..
..
ای اهل کسا مجلسینه زینت آنام وای
ای گوهر پاک صدف خلقت آنام وای
وی خوش گونه عالمده قالان حسرت آنام وای
جسمی در و دیوار آراسیندا سیخلان وای
رنگی سارالوب صحن سراده یخلان وای
..
..
..
..
عشرت چراغی دهریده یاندیرمیانیم وای
همدردینه ئوز دردینی آندیرمیانیم وای
مظلوم آتامی یعنی اوتاندیرمیانیم وای
غملر ئورگین غنچه کیمین قان ایدنیم وای
سیلی یرینی زلفیله پنهان ایدنیم وای
..
..
..
..
#فاطمیه #انور_اردبیلی #فاطمیه_شهادت #ترکی #زبدةالاشعار
02 فاطمیهانور اردبیلیترکیحسن رسالورراقم اردبیلیشاکر اردبیلیشعاعی اردبیلیضیائی اردبیلیعندلیب اردبیلیقدسی قفقازیمبکی اردبیلیمحمد سیمزاری
نظر دهید