گلدی خیمه دن حسین کربلا مناسینه #اکبریه_صدری_اردبیلی

حالات حضرت علی اکبر (ع)
..
..
..
..
#سبک_مسلمون_شهادتی ( 5 سبک سینه و زنجیر و شاه حسین گویان … در یک فایل )
..
..
..
مرحوم صدری اردبیلی
..
..
..
..
..
گلدی خیمه دن حسین کربلا مناسینه
ذبح اولان فداسینی بوکدی اوز عباسینه
..
..
..
..
..
اول جنازه که اولوب بند بندیدن جدا
رزمگهده قالماقا اولمیوب حسین رضا
فرش ایدوب عباسینی یرده شاه کربلا
اوغلنون جنازه سین جمع ایدوب آراسینه
..
..
..
..
..
هاشمی جوانلارین سسلدی حسین گله
حملی اول جنازه نون دوشمسون معطّله
یاوران پاکدل گلدی ویردی ال اله
حامل اولدیلار شهون اوّلین فداسینه
..
..
..
..
..
ایتدیلر جنازه نی رزمگاهدن کنار
اندیروبله تلّدن عون و فضل نامدار
اهل بیتیدن نهان بیر مکاندا قویدیلار
یتمسون هله خبر خیمه ده آناسینه
..
..
..
..
..
گتدی گلشنی دله بلبلون ترانه سی
آغلادوب جوانلاری صوت عاشقانه سی
اکبرون عم اوغلی سی مجتبی نشانه سی
قاسم اود وروب دل خویش و اقرباسینه
..
..
..
..
..
باش آچوب عمامه سین دوتدی الده آغلادی
نهر دیدہ سی یره سیل اشگی باغلادی
اکبرون جنازه سی اوسته سینه داغلادی
آغلار آشنا بلى ئولسه آشناسینه
..
..
..
..
..
آغلاماق صداسینه زینب اولدی باخبر
بیلدی اکبره یتوب رزمگاهیده خطر
چخدی باب خیمدن ایتدی اول خانم نظر
کربلا غریبنون غملو ماجراسینه
..
..
..
..
..
یا حسین باجون فدا اول خمیده قامته
بو عبانی قرمزی ایتموسن نه علته
اولما اکبریم گیدور مجلس ضیافته
قرمزی قبا گیوب قامت رساسینه
..
..
..
..
..
ویر اجازه اکبرون قانلو هیکلین اؤپوم
تا عبانی رد ایدوم سینه سین الین اؤپوم
بیرده یوز یوزه قویوم زلفنون تلین اؤپوم
گوز یاشین دوا قریوم باشینون یاراسینه
..
..
..
..
..
خیمه دن سکینه بیر آینه گتور بالا
آینه نشان ویرر دوشموش اولسا هر حالا
شاید اکبریمده بیر مختصر رمق قالا
باغلیاق یاراسینی فکر ایدک دواسینه
..
..
..
..
..
لیلی گورمسه اگر اوغلونی گلور دله
مندن ایلیور یقین هر گجه گونوز گله
گلسه ده بو حالیلن قورخورام گوروب ئوله
ایلیوم نه چاره بس باشینون بلاسینه
..
..
..
..
..
سال عبانی اوستونه قویما یاره گورسنه
من او گوردوگوم یارا تا دوباره گورسنه
لیلی گلسه پیکر پاره پاره گورسنه
من دوزنمرم اونون وای بالا صداسینه
..
..
..
..
..
صدریا سنون آدون لوحیده یازوب قلم
کلب آستانۀ شاهزادۀ حرم
اکبرون مصیبتین سن ایله هر ایل رقم
رونق آرتورا سوزون اکبرون عزاسینه
..
..
..