گلدی محرم تازه دن اعلان ماتم ویردولار #ورود_محرم_غفاری_زنجانی

اعلام عزا
..
..
..
#سبک_ای_شاه_مظلومان_حسین (5 سبک ) …
..
..
..
غفاری زنجانی
..
..
..
گلدی محرم تازه دن اعلان ماتم ویردولار
هر کوچه و هر معبره بیر قاره پرچم ویردولار
..
..
..
..
..
آگاه اولون ای شیعه لر ماه محرم باشلانوب
قاره گیون ماتم دوتون هنگام ماتم باشلانوب
زهرا حسینیم وای دیر ماتم دوتوب غم با شلانوب
بو آی بیر آیدور که باشا بو آیدا عالم ویردولار
..
..
..
..
..
قاره چکلدی گوگلره سکّان عرش ایتدی فغان
ناله ایدوب قدّوسیان باشه ویروب کرّوبیان
اولدی ملائک باقری قان ایتدی نوا اهل جنان
مژگان چشمین نظمنی اشکیله برهم ویردولار
..
..
..
..
..
بو آیدا زهرانون عزیز اوغلی لب عطشان جان ویروب
اثبات عشق واحده یتمیش ایکی جانان ویروب
مردان حق ئوز جانلارین مین شوقیله
قربان ویروب
نخل امید ظالمه بیر تیش محکم ویردولار
..
..
..
..
..
راه وفادن گیتمدی اول بی وفا اهل عراق
نامه یازوبلار گتدولر دلبند زهرانی قوناق
گور نه خیانت ایلدی پیغمبره اهل نفاق
پیغمبر اوغلون ئولدوروب اسلامیدن دم ویردولار
..
..
..
..
..
مهمانلارین عطشان قویوب سو میزبانلار ویرمدی
سد ایتدولر سویولارین یول باغلیانلار ویرمدی
قالدی لب عطشان صود امر سو اوخ آتانلار ویرمدی
نازک بوغازه ظلمیله بیر تیر مدغم ویردولار
..
..
..
..
..
یالقوز قالوب سلطان دین ئولدولر انصارینی
قانه بویاندی اکبری گرم ایتدی غم بازارینی
اهل جفا ایتدی قلم عباسینون قولارینی
گوردوله قالموش پنجه سیز دعواده ضیغم ویردولار
..
..
..
..
..
خورشید عالم تاب دین یتدی کسوفه قانیله
اوخدان پر آچموش پیکری ملبوس اولوب پیکانیله
یالقوز، کمکسیز، یاره لی، دوره دولوب عدوانیله
شرم ایتمدی اعدا گنه یاره دمادم ویردولار
..
..
..
..
..
یخدی حسینی مقتله ظالم شریحین نامه سی
دوندی سنان و خنجره اول بی حیانون خامه سی
مزدور اولان مفتی لرون اجرا اولوب برنامه سی
آخر امامین ئولمگون بیلدیله ملزم ویردولار
..
..
..
..
..
«غفاری» عمروندن سنون سرعتله گیچدی قرخ بهار
عمرون بهاری قورتارور اولمادون اما هوشیار
عقبایه هیچ فکر ایتمدون غفلتده سن لیل و نهار
ناگه گوررسن عمریوه بیر مهر خاتم ویردولار
..
..
..
..
..