کوفه
.
✍️ زبدة الاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
کربلایی احمد پوریا
.
گوردولر نوک جدادن صوت الرحمان گلور
سوره ی کهفی اوخور صوت خوش قران گلور
.
.
.
قانلی باش اعجاز ایدوب قران تلاوت ایلیور
کوفه شهرین غم دوتوب سبط نبی گور نیلیور
صوت زیبا ریشه ی اعدای کُفری پیلیور
آسمانلاردان یره حور و ملک گریان گلور
.
.
.
یوز دوتوب زینب باخوب بیردن سوسوز قارداشینه
گه باخوردی کفرین اهلی اللرینده داشینه
وورمیون داش فاطمه اوغلی حسینون باشینه
چوخ یارالیدور باشی هر یاره دن بیر قان گلور
.
.
.
باخدی زینب گوردی الله اوچ یاشیندا قیز باخور
باخدوقیجا اشکیلر چون قطره ی باران آخور
سسلیور یاندیم ننه هی اشکینی قانه یاخور
آغلیولار قیزلاری چوخ ناله و افغان گلور
.
.
اولمادی کرب وبلاده بو باشا بیر سو ویرن
قالدی عریان پیکری ایستی قوم اوسته بی کفن
باتدی عالم ماتمه قیزلار اولوب غرق محن
سبط پیغمبر باشیدور کوفیه مهمان گلور
.
.
بو همان باشدور که پیغمبر اوپردی لبلرین
بو همان باشدور کسوبدور ساربان اول اللرین
آت چاپوپلار نعشی اوستونده او نازلی پیکرین
قتلگاهه انبیالر باش آچوخ نالان گلور
.
.
.
رحم ایدون آخر بو باش ریحانه دی پیغمبره
مالک یوم جزا عزت ویرندور محشره
بند قلب فاطمه نور دو عیندور حیدره
آغلیاندا خیر نسوان لرزیه ارکان گلور
.
.
من مصیبت دیده یم باری منیم گوگلوم آلون
یاسلیم سیز کول یرینه باشیمه معجر سالون
لا اقل داش وورمیون بیر جه بو حالتده قالون
چون سوسوزدور قارداشوم صوت اناالعطشان گلور
.
.
نهرون اوسته قارداشوم قولسوز یاتوبدور یالقیزام
دوغرانوبدور اکبریم تک قالمیشام یولداشسیزام
وور میون طعنه داخی بی یاورم قارداشسیزام
چون رباب اوز اصغریندن بی خبر نالان گلور
.
.
آند ویرم کوفده اول زینبین احوالینه
خردا قیزلار یا حسین و یا عمو فریادینه
(پوریایم ) دردمندم چات بو نوکر دادینه
قسمت ایله کربلا کی اربعین یولدان گلور
.
#کوفه_احمد_پوریا
#گوردولر_نوک_جدادن_صوت_الرحمان_گلور
#ترکی
.
✍️ #زبدةالاشعار ✍️
.
🆔: @nohe_torki
نظر دهید