زبانحال حضرت لیلا (س) کنار نعش حضرت علی اکبر (ع)
در کوچ از کربلا
..
..
..
..
مرحوم صافی تبریزی
..
..
..
..
گوروب که دولدی نوائیله بینوا لیلی
نوایه نى کیمی گلدی او بینوا لیلی
..
گزردی قتلگهی آختاروردی اکبرینی
سرشک دیده سین ایتمیشدی رهنما لیلی
..
یتیشدی گوردی شبیه رسول حق یخیلوب
گلوب فغانه دیدی وا محمّدا لیلی
..
کناره آلدی باشین عرض قیلدی واولدا
دیدی بو نعشیوه اولسون سنون فدا لیلی
..
یوزین قویوب یوزینه گه اؤپوب گه ایلردی
ویرردی جان ایوینه نشئه صفا لیلی
..
دیردی یاخشی منی ترک ایدوب اؤزون گئتدون
اولوبدی سنسیز اوغول درده مبتلا لیلی
رضا دگولدی سنی قان ایچینده گورسون آنان
محبّت عالمیدور چون اولوب رضا لیلی
..
عزیزلقوم سنیدون ای عزیز جانیم اوغول
سنی بولوردی علی خویش و اقربا لیلی
..
آچوبدی چونکه بلا گلشنینده جسمون گل
گزوردی دوشدی یولی گوردی چوخ صفا لیلى
..
دوروب دولاندی ازل گلشن وفا باشینا
گل مرادینی درک ایتدی باوفا لیلی
..
دیدیم الیمی دوتارسان بیله زمانیمده
اوچاردی اؤزگه هوائیله برملا لیلی
..
که طوی اساسی قوروب ایلرم سنی داماد
عروس الین الیوه بیرجه تاپشورا لیلی
..
نه اینکه نعشیوه باخدوقجا ایلیه فریاد
فغان ایده گجه گوندوز دوتا عزا لیلی
..
آناوی غم گونی غم بسکه قهرمان گوردی
دیدی گرک منیله اولسون آشنا لیلی
..
اگر چه سن بو شهادتله روسفید اولدون
سالوبدی باشه قرا بختی تک قرا لیلی
..
سنه بولوردون اوغول چوخ محبتیم واردور
ایله محبّتیله ایتمسون نوا لیلی؟
..
ئولنجه وردیم على دور على على دیرم
على آدین ئوله دلدن مگر سالا لیلی
..
بلالی باشیمون آخر بلالرین بولورم
بلا چکوبدی اولوب مرشد بلا لیلی
..
اوغول اوغول دیدی از بسکه دوشدی طاقتدن
بسان صورت بی جان قالوب نما لیلی
..
یتوب قولاقه بو اثناده الرّحیل سسی
دوروب ایاقه ایشیدجک بیله ندا لیلی
..
اوغول جنازه سینی تاپشوروب دوشن یرینه
دیدی ودیعه قویور سنده کربلا لیلی
..
الین وروب دیزینه حسرتیله آیریلدی
گوروبدی گیتمسه یوخ کیمسه بیر رجا لیلی
..
اوز اختیاری ایله چکمدی دل اوغلوندان
بولوردی شمر ستمگرده یوخ حیا لیلی
..
یوبانسا اوغلنون اوستونده اَلده قمچی گلر
دیر ایاقه دور آخرده دوش یولا نیلی
..
ئولونجه «صافى» دیر وای اوغول اوغول آناسی
نقدر وار نفسسون سنده سویله وا لیلی
..
..
نظر دهید