گوندروب سو آلماقا نهر اوستونه رهبر منی #عباسیه_سیفی_اردبیلی

زبانحال حضرت ابوالفضل (ع)
..
..
..
..
..
سیفی اردبیلی
..
..
..
..
..
گوندروب سو آلماقا نهر اوستونه رهبر منی
ایتدی شرمنده الهی فرقۀ کافر منی
..
..
..
..
..
قاف عشقون قلّه سین سیر ایتدی مرغ همّتیم
نهردن بیر مشک سو زحمتله اولدى قسمتیم
اللریم دوشدی یول اوسته ناقص اولدی خدمتیم
وای دیدیم قویدی خجالت چرخ دون پرور منی
..
..
..
..
..
صف چکوب صیادلر گیزلین یول اوسته دوردیلار
رشتۀ امّیدیمی ظلمیله یکسر قردیلار
ناگهان سومشکیمه چگنیمده بیر اوخ وردیلار
آخدی سو غم شعله سی یاندردی سرتاسر منی
..
..
..
..
..
مشکه باخدوم سویلدیم زحمتلریم گیتدی باد
گه حسینی گه سوسوز اطفالینی سالدیم یادا
اولمادی قسمت دیدوم مشکون سوین اصغر دادا
نیلوم الله گوزلیور گهواره ده اصغر منی
..
..
..
..
..
من سو قولى ویرمیشم آزرده دل آهولره
پرشکسته دل پریشان لانه سیز تیهولره
بس نه چاره ایلیوم یارب سیه گیسولره
الده سوجامی رقیه باغریقان گوزلر منی
..
..
..
..
..
شاهد اول احوالیمه ای داور مالک رقاب
قویمادی سقّایه قالسون اهل نیران صبر و تاب
خیمه ده اصغر بویون اوخشار دیر غمکش رباب
سو گلر شرمنده لیکدن قورتارار دؤشلر منی
..
..
..
..
..
ماتیدى منده فلک بوعشق بی آلایشه
اللریم دوشدی جدل شمشیرینی آلدوم دیشه
شیر زخمی تک فرات اوستونده گلدیم چرخشه
وحشته دوشدی گورنده قوم کین گستر منی
..
..
..
..
..
سینه ده حبس ایلدیم ظلمه اوجالمش سس لری
تارمار ایتدیم نظام کرکس ناکس لری
داس شمشیریلمه بیچدیم هرزه خار و خس لری
باخدی تحسین ایلدی بو چرخ بازیگر منی
..
..
..
..
..
قانیلن تقریز یازدوم دفتر ایثاریمه
چشم گردون مات اولوب گرمیّت بازاریمه
دشمن مکّار ئوزین عاجز گوروب پیکاریمه
غفلتاً سالدى حصاره بی حیا لشگر منی
..
..
..
..
..
دست خالی گیتمگه اخیامه گلمزدی یوزوم
تیر ظلمه توش اولوب قانیله دولدی صاق گوزوم
آخ دیدیم مشتاقیدوم چوخ چوخ بو تیره من ئوزوم
سرفراز ایتدى عجب بو قاصد دلبر منی
..
..
..
..
..
من بلشدیم قانیمه دشمنلر ایتدی هلهله
شیری قولسوز گوردی روبه لر سالوب فرصت اله
توش اولدوبدور بی سپر باشیم عمود نوفله
یخدی آتدان ضربت دست جنایتگر منی
..
..
..
..
..
دلخوشام آتدان دوشنده شرمسار و بیقرار
لطف حقدن اولدی بو سرباز عشقه بختیار
سایه سالدی باشیم اوسته فاطمه پروانه وار
سسلَدى ئوز اوغلى تک صدّیقۀ اطهر منى
..
..
..
..
..