بو گون یاندی حسینون خیمه گاهی #غارت_خیام #کاتب_اردبیلی

رجز غارت خیام
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
بو گون یاندی حسینون خیمه گاهی
اوجالدی زینبون افلاکه آهی
.
.
یاناندا خیمه لر عالم یانیدی
جهان اهلی او اوددان اودلانیدی
زمانه دوری گردشدن قالیدی
سوسوز ئولدورمییدیلر او شاهی
.
.
نه ظلم ائتدی او چولده قوم نسناس
بویاندی قانینه اکبرله عباس
ستمله ائتدیلر قاسم طویین یاس
اولوب غارت اونون طوی حجله گاهی
.
گتوردی حرمله ظلمین عیانه
حیا ائتموب بیر اوخ قویدی کمانه
گلوی اصغری ائتدی نشانه
شهید ائتدی او طفل بیگناهی
.
.
سوسوز دوغراندی سقای شهیدان
سالوبلار هر ایکی قولارین عدوان
سو مشکین ائتدیلر آماج پیکان
یخوب آتدان او سردار سپاهی
.
.
سو ایچدی اوزلری اول قوم کینه
ولی قالدى سوسوز خوردا سکینه
دینده العطش اول بی قرینه
ائدردی ناله اول گون مرغ ماهی
.
.
#غارت_خیام #کاتب_اردبیلی
#بو_گون_یاندی_حسینون_خیمه_گاهی
#ترکی
.
✍️ #زبدةالاشعار ✍️
.
🆔: @nohe_torki