وداع حضرت علی اکبر (ع) با مادر
.
✍️ #زبدةالاشعار ✍️
.
🆔: @nohe_torki
.
حاج حسین حسنی افشرد
.
وئروبدی خال سیاهون علی صفا یوزووه
باخوم بو قامت رعنایه من و یا یوزووه
.
.
دوشوبدی گوشۀ ابروده هاشمی خالون
سالوبدی گور نه منیمده بلایه باشیمی خالون
گوتوردی غربته آتدی وصال داشمی خالون
سالوب دالونجا منی ایلدی فدا یوزووه
.
.
الوب قراریمی الدن بو مه جمالون اوغول
چتیندی قسمتیم اولسون گنه وصالون اوغول
اورکدهه ساخلاموشام نقش خط خالون اوغول
باخوب او عکسه ایدم روز و شب دعا یوزووه
.
.
اگر چه سوز یوخ على من وصالون عاشقیم
او یوزده نقش اولونان خط و خالون عاشقیم
نقابی رد ائله من گل جمالون عاشقیم
دولی گوزیله دویونجا گوزوم باخا یوزووه
.
.
سنون فراقیویله قلبیمه دگر یاره
سنی که ساخلاماقا یوخ الیمده بیر چاره
اوزون الونله گتور باغلا باشیمه قاره
آناندا حسرتیله باخسون ای بالا یوزووه
.
.
بو قامته باخورام قامتی صنوبر سن
دلون فداسی دانش منطقونده حیدر سن
بو دشتیده ای اوغول یوخسا سن پیمبر سن
پیمبرین یوزونی نقش ایدوب خدا یوزووه
.
.
ترحّم ایله على جان بو قلبی شان شانه
اجازه وئر بو آنان لیلیِ پریشانه
ویرا بو شانۀ مژگانی زلفوه شانه
دوزه نظامه بو زلفون اوغول سالا یوزووه
.
.
ترحّم ایله علی بیرده گوزده گوز یاشینا
او سرو قامتیله سایه سال آنان باشینا
اجازه ویر باشوی بیر قویوم اورک باشینا
توکوم سرشگیمی چون درّ ابتدا یوزووه
.
.
قولاق وئر ای اوغول بیر زمان بو بیر سوزومه
نقدر ورد ایلیوم دلده آدون اؤز اؤزمه
قبول ائت سوزومی قوی یوزون سولان یوزومه
سرشک دیده می تا ایلیوم رها یوزووه
.
.
دالونجا چوخدی اگر چه اوغول علی گَلَنون
یواش یری بو دالونجا گلن آنان دی سنون
آتان سالوبدی علی بوینوا بو آق کفنون
وئروب اونیله اوغول بیر گوزل نما یوزووه
.
.
یوخومدی کیم سه پناهیم آرالیم ائلدن
سنه علاقه واریمدی اوغول ئیدوم دلدن
نئدوم نه چاره آلوب اختیاریمی الدن
خمار دیده لرون من باخاندا تا یوزووه
.
.
بو گل جمالون اوغول مات ایدر گیدوب گلنی
بو خالی گورسه باخان عاشقون اولار علنی
اورکده عکس رخون بیرده نقش ایدر «حسنی»
بو نیّتیله که زائر نهان اولا یوزووه
.
.
.
.
#اکبریه_حسنی_تبریزی
#اکبریه_شهادت
#وئروبدی_خال_سیاهون_علی_صفا_یوزووه
#ترکی
.
✍️ #زبدةالاشعار ✍️
.
🆔: @nohe_torki
نظر دهید