حالات حضرت زینب (س) در خرابه شام
..
..
..
..
..
احسان بدرخانی
..
..
..
..
..
آیینه ی حق نمادی زینب
ذریه ی مصطفادی زینب
دریای شهامت و وفاده
چون گوهر پربهادی زینب
..
..
..
..
..
اولمیدی اگر او کربلاده
قویموشدیلا حقی زیرپاده
قالمازدی اثر کلام حقدن
دوشموشدی جهان بتون فساده
باتمیشدی قانی حسینون اوندا
زهرا قیزی یتمسیدی داده
باش اگمدی قوم اشقیایه
چون همتی واردی فوق العاده
وار خون علی اونون رگینده
فخر شه اولیادی زینب
آیینه ی حق نمادی زینب
..
..
..
..
..
عاجزدی قلم کتابتیندن
بیلمور نه یازا شهامتیندن
حیرتده قویوبدی کائناتی
زهرا کیمی صبر و طاقتیندن
چوخ چکدی بلا جهاندا اما
ال چکمدی ئوزرسالتیندن
گر زینب ئوزی عنایت ایتسه
شرح ایلیرم عبادتیندن
گوردی خانمی امام سجاد
مین محنته دوشدی رویتیندن
گوردی اوتوروب قیلور نمازین
گوز یاشی آخوبدی صورتیندن
عرض ایلدی ای خدای سبحان
احکامووه آشنادی زینب
آئینه حق نمادی زینب
..
..
..
..
..
حضرت بیوروب آماندی عمّه
جسمون نیه ناتواندی عمّه
اوتوخ یری ایلوسن عبادت
قلبیم باشی لخته قاندی عمّه
اولما سنی غم سالوب ایاقدان
قدون گورورم کماندی عمّه
یکسر گئجه گودرز آغلیورسان
اشکون گینه ده رواندی عمّه
یاتمور گئجه لر باجیم رقیه
سندن بئله ناگراندی عمّه
زینب بیوروب عزیز جانیم
چوخ غملره مبتلادی زینب
..
..
..
..
..
سن که بیلوسن فراقتیم یوخ
چوخداندی که استراحتیم یوخ
میل ائتمه میشم غذا دویونجان
آجلیخدان ئورکده طاقتم یوخ
گلسه نه بلا حسینه خاطر
صبر ایلیرم شکایتیم یوخ
ظاهرده شریک ابتلایم
چوخ یرده ولی شراکتیم یوخ
مین یاره دگوب حسینه اما
جسمیمده منیم جراحتیم یوخ
باشسیز بدنی دوشوب ترابه
اما منیم ایله محنتیم یوخ
عهد ایلمیشم حسینمیلن
شکر اللها نقض بیعتیم یوخ
جاندان کچرم حسین یولوندا
گورسون نجه باوفادی زینب
آئینه حق نمادی زینب
..
..
..
..
..
#زینبیه_مدح
#خرابه_شام
#آیینه_حق_نمادی_زینب
#بدرخانی
#ترکی
#زبدةالاشعار
آیینه حق نمادی زینب #خرابه_شام_بدرخانی
نظر دهید