هر گله چران حضرت موسی اولا بلمز #پندیات_عینی_فرد

پندیات
..
..
حاج غلامرضا عینی فرد زنجانی
..
..
هر گله چران حضرت موسی اولا بلمز
هر داره گیدن شخص مسیحا اولا بلمز
..
گر ذات خداونده بشر معتقد اولسا
اهل دغل و حیله و ایذا اولا بلمز
..
دنیانی خداوند ایدوب عقبایه وسیله
امروز اگر اولماسا فردا اولا بلمز
..
ایمانی اگر اولسا و یا اولماسا شخصین
معبردی جهان دائمی مأوا اولا بلمز
..
قبر آدلی ایوه کیم بیله حتما گیده جاقدی
غفلت بله عاقلده مهیا اولا بلمز
..
کبر و حسد و ظلم و جفایه الین آچماز
جز حقدن اطاعت ایده اوندا اولا بلمز
..
عکس العمل هر عملی تز گورر انسان
روشندی بیری جو اکه خرما اولا بلمز
..
هرکس بیرینه قازدی چه اول اوزی دوشدی
بو دست عدالتدی که پیدا اولا بلمز
..
گر شعله چکه آتش بیداد داریخما
هیچ کیمسه مکافاتیده منها اولا بلمز
..
سیلی ورانا سیلی محکم دیه جاقدی
الله نظریندن عمل اخفا اولا بلمز
..
سعی ایله پیاموندا حقیقت اولا قارداش
سوز عقده لی اولسا اثر اوندا اولا بلمز
..
چون عصر تمدنده یاشور کافهء امت
مردم بو پیامونده که اغوا اولا بلمز
..
شهرت بو اوجوزلوقدا اله گلمز آیق دوش
فانوس گلوب شمس هویدا اولا بلمز
..
مجهول الهویه سوزونه خلق قولاق آسماز
قطره دولانوب موجیلی دریا اولا بلمز
..
مردانگی و عزت نفس اولسا پیامون
وار مشتریسی گر حسد اولسا اولا بلمز
..
مداح حسینه ایله سه هرکس اهانت
سنسین قلمی واجد معنا اولا بلمز
..
مداحه مشوقدی دوشون حضرت صادق
مردود قبول ایله (من بکا) اولا بلمز
..
بیز حق دانیشاندا نیه سن سانجیلانورسان
کیم زینبه دشمن اولا آقا اولا بلمز
..
مداح حسین درگه مولاده گدادی
اهل دغل و کینه و ایذا اولا بلمز
..
..
#پندیات #عینی_فرد #ترکی #زبدةالاشعار