اورک غمین دیماقا بیر یانان دل آختاریرام #کوچ_کربلا_کهنمویی

کوچ از قتلگاه
سوال و جواب
..
..
..
زبانحال حضرت زینب (س) از مرحوم #کهنمویی و مرحوم #رجایی_تبریزی
#اورک_غمین_دیماقا_بیر_یانان_دل_آختاریرام
..
زبانحال امام از مرحوم #کهنمویی
#آنام_باجی_گورورم_بیر_یانان_دل_آختاروسان
..
زبانحال امام از مرحوم #شهاب_تبریزی
#ای_گلستاندا_اوز_گلینی_آختاران_باجی
..
..
..
..
مرحوم سید حسین کهنمویی (#ریاضی_تبریزی) و مرحوم #رجایی_تبریزی
..
..
..
..
اورک غمین دیماقا بیر یانان دل آختاریرام
دوشوب صعوبته حلّال مشگل آختاریرام
..
..

صاقا صولا دولانوب حسرتیله زار و ملول
ایتیرموشم بو گلستاندا بیر گل آختاریرام (1)
..
..
..
..
فراقِ یار بلی الدن اختیار آپاروب
قرارِ بلبلی دلدن جفای خار آپاروب
چمنده زاغ و زغن گُلده هر نه وار آپاروب
ایتیرموشم بو گلستاندا بیر گل آختاریرام
..
..
..
..
دوشنده بلبل شوریده نون بهار الینه
آلار اله گُلینی ایلر افتخار الینه
دوشوب منیم گُلوم اما بو چولده خار الینه
ایتیرموشم بو گلستاندا بیر گل آختاریرام
..
..
..
..
بو گلستاندا گللرین عجب طراوتی وار
هاموسی قرمزیدی عطری وارلطافتی وار
ولی منیم گلومون بیر نچه علامتی وار
ایتیرموشم بو گلستاندا بیر گل آختاریرام
..
..
..
..
وئروبدی بلبلی بیرکهنه پیرهن گُلومه
که بلکه ویرمیه ال ، زاغیلن زغن گلومه
ولی گئچن گئجه ال تاپدی اهرمن گلومه
ایتیرموشم بو گلستاندا بیر گل آختاریرام
..
..
..
..
سولوبدی غنچه ده گللر ، عجب گلستاندور
بو گللر اوستونه شبنم اولان قیزیل قاندور
گلوم بو یرده منیم شمر الینده خنداندور
ایتیرموشم بو گلستاندا بیر گل آختاریرام
..
..
..
..
بو گلستانداکی گللر ورق ورق داغلوب
باخاندا هرطرفه گُلدی بیر طبق داغلوب
ایاقلار آلتدا کلامِ خدای حق داغلوب
ایتیرموشم بو گلستاندا بیر گل آختاریرام
..
..
..
..
ائشیتمیشم که گلوم غارته چمنده گیدوب
الیده‌ بارماقیدا اهرمن گلنده گیدوب
دیولّه قالمیوب اول کهنه پیرهنده گیدوب
ایتیرموشم بو گلستاندا بیر گل آختاریرام
..
..
..
..
عبث دگول ایدرم من بو قدر جوش‌ و خروش
همیشه شعله چکر اولماز عشق اودی خاموش
گلور حسینیمون عطری چخور باشیمدان هوش
ایتیرموشم بو گلستاندا بیر گل آختاریرام
..
..
..
..
حسین عزیز آنامون سینه سینده کی گُلوسن
پیمبراوغلی رسول خدایه سوگلوسن
باجون فراقوه تاب ایلمز اوزون بولوسن
ایتیرموشم بو گلستاندا بیر گل آختاریرام
..
..
..
..
بلای کرب و بلا اولمیوبدی بس قارداش
مسافرم گیدورم سسنلور جرس قارداش
پناهسیز باجیوون ویر سسینه سس قارداش
ایتیرموشم بو گلستاندا بیر گل آختاریرام
..
..
..
..
هایاندا دوشموسن ای نوردیدۀ زهرا
ایشیتموسن باجیوین آه و ناله سین آیا
الیم اورکده قالوب دلده آه و واویلا
ایتیرموشم بو گلستاندا بیر گل آختاریرام
..
..
..
..
پوزوبدی گلشنیمی زاغیلن زغن گیدورم
وروبلا قولاریما ظلمیله رسن گیدورم
یارالی جسمیله سن قال بو چولده من گیدورم
ایتیرموشم بو گلستاندا بیر گل آختاریرام
..
..
..
..
نولوردی شمر قوییدی تاپیدیم اللریوی
سرشگیمیله یوویدیم او قانلی بستریوی
قویانمادیم باجون اولسون مزاره پیکریوی
ایتیرموشم بو گلستاندا بیر گل آختاریرام
..
..
..
..
زبسکه امر ایلدی خلقی اتّحاده باشون
سوسوز کسیلدی قفادن بو کربلاده باشون
او دوغرانان بدنون یرده دور جِداده باشون
ایتیرموشم بو گلستاندا بیر گل آختاریرام
..
..
..
..
«ریاضی» ایله دعا شعره اشتراک ایدنی
یقین که اجرسیز ایتمزله نه اونی نه سنی
«سید حسین رجائی» ویروب بو سر سخنی
ایتیرموشم بو گلستاندا بیر گل آختاریرام
..
..
..
..
#ترکی
#زبدةالاشعار