نهضت خونین امام حسین علیه السلام
ورود کربلا
#گریز به #وداع
..
..
..
..
حاج اکبر غفاری زنجانی
..
..
..
..
او حسینی که اونون شهرتی دنیانی دوتوب
عزّتی شهرتی بو عالم امکانی دوتوب
..
..
..
..
فخر ایدر شیعه لر عالمده اونون عزّتینه
متواضعدی سلاطین جهان شوکتینه
اقتدار اهلی قالوب مات اونون قدرتنه
مرحبا همتینه ، ایلدیگی نهضتنه
قویمیوبدی یخلا پرچم قرآنی دوتوب
..
..
..
..
سِور عالمده حسین آدینی ذات ازلی
طاقت قلب پیمبر دی گوزللر گوزلی
عشقی عشاقین اولوب دهریده ضرب المثلی
پاک آدی کاملرین شهد مصفا عسلی
شرف و شأنی اونون دفتر عرفانی دوتوب
..
..
..
..
دیللر عاجزدی اونون وصفنه ،حیراندی عقول
بسدی شأننده بو مطلب که سوزوم تاپمیا طول
لحمکَ لحمی بویورموشدی اونا جدّی رسول
بیر کسه حیدر آتا اولسا ،آنا اولسا بتول
امر واضحدی که بو رتبۀ شایانی دوتوب
..
..
..
..
گوردی هند اوغلی آزوب حق یولی ناحقی دوتار
ساز و آوازیله مشغولیدی هر لیل و نهار
ظاهراً دعوی اسلام ایدور اول کینه شعار
با طناً تیشه ولی ریشۀ اسلامه ویرار
فکر شیطانی او شیطان صفت انسانی دوتوب
..
..
..
..
مست دور حبّ ریاستله او خمّار دنی
اونا بازیجه اولوب دین رسول مدنی
ئولدورور قانه بویور حق دانشوب حق دیه نی
خفقاندا یاشیور امت اسلام علنی
جور و ظلم و ستم و حیله سی هریانی دوتوب
..
..
..
..
آز قالور گوردی حسین پرچم قرآن یخیلا
گیده اسلام آرادان خانۀ ایمان یخیلا
دین و ایمان ایوی استور اولا ویران یخیلا
اسمیه پرچم دین رایت رحمان یخیلا
خوف طوفان بلا کشتیّ ایمانی دوتوب
..
..
..
..
ایدوب احساس خطر ناگه اوارزنده صفات
ایتدی همت بوخطردن ویره اسلامه نجات
نخل دینه ویره ثاراللهیله آب حیات
اولدی آمادۀ نهضت او قتیل العبرات
آتدی دنیانی رضای حق منانی دوتوب
..
..
..
..
دیدی واجبدی من اسلامه گرک نصرت ایدم
ویر میم فرصتی فوته داخی جدّیت ایدم
دین اسلام اولا پاینده گرک نهضت ایدم
ایندی که خوف عدو مهجۀ مردانی دوتوب
..
..
..
..
چخدی یثربدن او سلطان امم دوشدی یولا
قویدی ئوز ایللرینی دیده سی نم دوشدی یولا
ایتدی اهل وطنی غرق الم دوشدی یولا
نصف شب سینه ده مین محنت و غم دوشدی یولا
قصد حجّیله حسین راه بیابانی دوتوب
..
..
..
..
باشدا چوخ عزّتیله یاور و انصار گیدور
آلوب اطرافین اونون عدۀ احرار گیدور
جمع اولوب لشکر و سر لشکر علمدار گیدور
زینبه اولمش ابوالفضل جلودار گیدور
خوف عباس دلاور دل اعدانی دوتوب
..
..
..
..
بوتراب عترتی عزّتله ایدور طی تراب
هر اوشاق عمه دیور جان ایشدور فوری جواب
آلوب آغوشه علی اصغری شوقیله رباب
غنچه گل تک اپوب ایگلردی که اول نیک مآب
باغبان الده کانه گل ریحانی دوتوب
..
..
..
..
بیر طریقیله یتوب کعبیه دلبند بتول
گوردی نا امن ایلیوب امن ایوینی قوم جهول
جبریله مکه نی ترک ایلدی اول سبط رسول
کربلاده گلوب آخر ایدوب اجلال نزول
غم و اندوه دل زینب نالانی دوتوب
..
..
..
..
دهم ماه محرم اولوب القصه عیان
شمس عاشور بلا چخدی افقدن نگران
خیره خیره باخور اول عرصه گه نورفشان
تلسور اولماقا تز ظلمت مغربده نهان
چون گورور شعله لنوب ظلم اوتی دامانی دوتوب
..
..
..
..
گورور ئوز قاننه بیر بیر بو یانوب اهل وفا
کیم حسینه دیدی لبیک آلوب جانه بلا
دوغرادی قطعه به قطعه اونی شمشیر جفا
گتدی اخیامه شهیدانی او شاه شهدا
گل پرپر دیه سن صحن گلستانی دوتوب
..
..
..
..
یان یانا خیمه قباقنده دوزولدی شهدا
باجی قارداشینی اوخشاردی، جوان اوغلون آنا
فرشدن عرشه اوجالموشدی اوگون آه و نوا
غرق دریای غم اولموشد ی او گون آلعبا
دود آه اوج ایلیوب گوگلره کیهانی دوتوب
..
..
..
..
یتشوب نوبت حسینه ئوزی میدانه گیدور
تحفه ؛ جانون آپارور محضر جانانه گیدور
حق یولوندا اولوب آماده باتا قانه گیدور
تلسور ملحق اولا خیل شهیدانه گیدور
گوره ناحق توکولن قانی او میدانی دوتوب
..
..
..
..
توکولوب اهل حرم بیردن اونی دوره لدی
هامی غربال گوزوندن یوزه اشکین الدی
سارالان یوزلری اشک غم و محنت بلدی
فاطمه عالم معناده دیدی وا ولدی
غم و محنت اثری روضۀ رضوانی دوتوب
..
..
..
..
بیری سویلردی بابا من نجه هجرانه دوزوم
شرح ایدر حال پریشانیمی آغلار بو گوزوم
سوسوزومدان سارالا ن گللره بنذر بو یوزوم
گل اوتور قوی دولانوم باشوه الان من ئوزوم
فرقتنده نجه گور رعشه دل و جانی دوتوب
..
..
..
..
بیری آغلار سوروشار قیزلاریوی نیلورسن
غم سپهرینده کی اولدوزلاریوی نیلورسن
بابا قارداشسیز اوغولسوزلاریوی نیلورسن
قالان آواره آدامسیزلاریوی نیلورسن
گوروسن دوره میزی فرقۀ شیطانی دوتوب
..
..
..
..
آیریلوب اهل حرمدن شه دین دوشدی یولا
قصد ایدوب عشق مناسین او رئیس شهدا
قاچدی زینب دالیسیجا دیدی محلاً محلا
او گیدن یولاریوا زینبوین جانی فدا
گور نجه آتش غم قلب پریشانی دوتوب
..
..
..
..
صبرایله گیتمه دایان ساخلا قدم قارداش حسین
آز قالور سالسون ایاقدان منی غم قارداش حسین
تاپشوروبدی منه محنتلی ننم قارداش حسین
عوضنده بوغازوندان من اوپم قارداش حسین
بی سبب سانما باجون گوشۀ دامانی دوتوب
..
..
..
..
چوخ یوباتمام حق یکتایه قوناقسان بیلورم
جنت عدنده حورایه قوناقسان بیلورم
خازن جنت العلایه قوناقسان بیلورم
محفل انسده زهرایه قوناقسان بیلورم
جنت اهلی سنیچون مجلس مهمانی دوتوب
..
..
..
..
شعر یازماق هنری گرچه بو «غفاریده» یوخ
بودور الدن گلنی چاره بو ناچاریده یوخ
فکری خدمتدی یقین آیری بیر افکاریده یوخ
غلّ و غشّی اولانا مزد بو درباریده یوخ
اودی اخلاصیله دامان او مولانی دوتوب
..
..
..
..
او حسینی که اونون شهرتی دنیانی دوتوب #ورود_کربلا_غفاری_زنجانی
نظر دهید