ای منیم شیرخواره اوغلوم #اصغریه_امانی_اردبیلی

زبانحال حضرت اباعبدالله (ع)
در سوگ حضرت علی اصغر(ع)
..
..
..
..
#سبک_اصغریم_ای_شیرین_زبانیم
..
..
..
..
حاج علیرضا امانی اردبیلی
..
..
..
..
ای منیم شیرخواره اوغلوم
کربلا افتخاری اصغر
هانسی بیر اوچی تشنه اوخلار
سن کیمین بیر شکاری اصغر
ای سوسوز الده اوخلانان صود امریم
قنداقی قان دوداقی قان صودا مریم
بالام لای لای، گولوم لای لای …
..
..
..
..
اود دوتوب یاندی قلبیم اوغلوم
طاقتیم سینه دن آلورسان
اللریم اوسته بیر قانادسیز
قوش کیمی ال آیاق چالورسان
دو شلوگه حُلقیدن آخور قانون اوغول
نفسون گیزله نیب چیخور جانون اوغول
بالام لای لای، گولوم لای لای …
..
..
..
..
قنداقا باغلی اللروندن
اصغریم اللریم ئوزولدی
سینه مین اوسته یات عزیزیم
گؤزلرون قاره سی سوزولدی
آغلاما قاتما اشکیمی آهه بالا
ائیله من تک شکایت الله بالا
بالام لای لای، گولوم لای لای …
..
..
..
..
گوز تیکیب یوللارا بوطفلی
گوزلیور خیمه ده آناسی
نئینییر بارالهی گورسه
بوغازی اوسته وار یاراسی
اصغریم قویدی دشمن آواره منی
آپاروم هانسی یوزله اخیامه سنی
بالام لای لای، گولوم لای لای …
..
..
..
..
آلتی آیلیق گولوم الهی
اللریم اوسته پرپر اولدی
بیلمریم علتین نَدَن دور
حرمله تیری اوچ پر اولدی
ای فلک یازدون اصغره گور نه یازی
اوچ پر اوخ سانجیلوب بیچیلدی بوغازی
بالام لای لای، گولوم لای لای …
..
..
..
..
#اصغریه #امانی_اردبیلی #اصغریه_شهادت #ترکی #زبدةالاشعار