باب المراد ابوالفضل باب النجات ابوالفضل #عباسیه_فکری_اردبیلی

توسل به حضرت ابوالفضل (ع)
گریز به شهادت
..
..
..
..
مرحوم فرهاد فکری اردبیلی
..
..
..
..
باب المراد ابوالفضل باب النجات ابوالفضل
شرمنده دور یوزوندن آب فرات ابوالفضل
..
..
..
..
مین دورت یوز ایلدی آدون دیللرده آشنادی
هر درد بی دوابه عالم بوئی دوادی
مسکین و بینوایه امید و هم رجادی
ایله خبر مریضه چون تربتی شفادی
دنیاده ایلیوبدور چرخ معجزات ابوالفضل
..
..
..
..
درگاهینه جهاندا چوخلار اولوبدی بنده
سسلر هرایه شاهلار بیر مشگله دوشنده
یاد ایلر ارمنیلر عباسی آند ایچنده
ساخلار ادب همیشه آدی اونون گلنده
یوخ سن کیمین جهاندا ارزنده ذات ابوالفضل
..
..
..
..
الاندا واردی علقم آخدوقجا زار و حسرت
معناده سسلیور ای سردار با شهامت
وار دور منی کیم ایتسه بو باره ده مذمت
کرب و بلاده اولدوم سندن آقا خجالت
گوزلر قالار یولوندا وقت ممات ابوالفضل
..
..
..
..
هر کس گیدوب گوروبدی اول خرداجا مزاری
وار قبری اوسته دیلر پرچم به عشق یاری
بل هر طرفدن أسسه اعجازه باخ آری
دائم اسر او پرچم قبر حسینه ساری
بو عشقون ایلیوبدی دنیانی مات ابوالفضل
..
..
..
..
چوخدان سالوبدی سایه باشیمده غصه ابری
تنگه سالوبدی هجران بو سینۀ ستبری
سیندیر کرامتیلن آخر طلسم جبری
باغ بهشتی سؤمز هر کیم گوره او قبری
کرب و بلا جوازین ایله برات ابوالفضل
..
..
..
..
یاد ایلرم او حالی اوخ دگدی ساغ گوزوندن
قان لخته لخته آخدى دامانوه یوزوندن
قرآن و دینه خاطر کچدون او گون ئوزوندن
جان سینه دن چیخنجا سن چیخمادون سوزوندن
هی سسلدون حسینه روحی فدات ابوالفضل
..
..
..
..
سوز یوخ که کربلاده اون یدی منصب آلدون
اوخلاندی مشگ آبون ئوز دالداسیندا قالدون
شرمنده لیگدن آخر اود کایناته سالدون
قارداشووی قوجالتدون اما ئوزون اوجالدون
هجرونده قالدی آغلار یکسر بنات ابوالفضل
..
..
..
..
حاصل حسین یتیشدی میدانه زار و خسته
آلدی یارالی باشون اندوهیله دیز اوسته
لعنت دیدی جهاندا بو قوم کین و پسته
دور باشون اوسته گلدیم قارداش کمر شکسته
سن سیز دونیدی قانه آب حیات ابوالفضل
..
..
..
..
آز بو سرشگ چشمی خون دله قاریشدیر
آز هجر اوتوندا قلب پر دردیمی آلشدیر
کونلون اگر کوسوبدی بو زاریلن باریشدیر
او غلوم ئولوبدی قارداش دور بیر منی دانشدیر
اوندان صورا بو چولده آسوده یات ابوالفضل
..
..
..
..
#عباسیه #فکری_اردبیلی #عباسیه_مدح #عباسیه_شهادت #ترکی #زبدةالاشعار