زبدةالاشعار

زهر کین ایتدی اثر موسی بن جعفر حالینه #کاظمیه_سهیلی_تبریزی

زبانحال حضرت امام کاظم (ع)
.
✍️ #زبدةالاشعار ✍️
.
🆔: @nohe_torki
.
مرحوم #سهیلی_تبریزی
.
زهر کین ایتدی اثر موسی بن جعفر حالینه
قیلدی زندان گوشه سینده جان فدا جانانینه
.
.
اون بیر ایل محبوس ایدوب زنداندا هارون لعین
ظلمیله آخر او مولایه ویروبدور زهر کین
ویردی زندان گوشه سینده جان امام متقین
غم غباری اوج ایدوبدور نُه فلک ایوانینه
.
.
ائتدی اوز ظلمین جهاندا چون او ملعون آشکار
یتدی مقصود و مرامه ایلیوب عزم شکار
قالدی اوچ گون یرده اول بیکس امامین نعشی خوار
فی الحقیقت اولدی تابع کربلا سلطانینه
.
.
نه گلن بیر نعشینین اوسته نه اولدی بیر گئدن
نه مبارک بوینونون زنجیرینی بیر رد ائدن
جسمیده کنده، ایاقدا قالدی شاه مُمتَحَن
اوز عباسین چکدیلر اول پیکر عریانینه
.
.
گئچدی اوچ گون وئردیلر هارون بی دینه خبر
بُلمورم عالم ندن اولموب او گون زیر و زبر
حکم ایدوب اول بیحیا آخرده گلسون دورت نفر
گلدی آخر دورت نفر حمال او شاهین یانینه
.
.
گوتدولر زنجیرینی قانی آخوب هر یانیدن
ظلم هارون گیچدی ظلم آل بو سفیانیدن
عرض ایده بُلمم چیخاردوبلا نجه زندانیدن
سیر ایدون بو ظالمین بیر ظلم بی پایانینه
.
.
نعش پاکین گوتدوله من بُلمورم نه حالیله
بیر غریبین گور اولوب تشییعی بو منوالیله؟
قبر ایاقینه گئده تابوتی دورت حمالیله
اولمیا بیر آغلیان اول فیض رحمت کانینه
.
.
بُلدی بو حالی سلیمان گلدی اوز مولاسینه
غسل ویردی عاقبت قیلدی کفن اعضاسینه
عزّت و اعزازیله حمل ایتدی اوز ماواسینه
گلدی افغانه باتوب عالم اونون افغانینه
.
.
خاطره گلدی گئنه پیغمبرین دل پاره سی
قوملار اوسته دوشدی قالدی پیکر صد پاره سی
ایسّی گون دگدوقجا جسمینه سیزیلدار یاره سی
سو کیمی قانی آخاردی کربلا میدانینه
.
.
جانیوه جانلار فدا ای پیکری صد چاک اولان
نیزه لر تابوتی، قان غسلی، حنوطی خاک اولان
گون کیمی تابنده و جسم شریفی پاک اولان
ای سالان گون سایه اوچ گون پیکر عریانینه
.
.
ائتدیلر چوخلار قبول عالمده کنج غربتی
چاتماز عالمده سنه هیچ بیر غریبین فرقتی
گور نجه شامه گیدوبدور دست بسته عترتی
یا دگوب سانسیز یارا بیر گونده سن تک جانینه
.
.
ای «سهیلی» روشن ایلوب قلبیوی نور حسین
باشیوی پر شور ایدوب دنیاده عاشور حسین
وار امید اولسون سوزون غم ایتمه منظور حسین
ناامید اولموب ووران ال بو شهین دامانینه
.
.
.
.
#سبک_زینبم_جان_اوستیم (4 سبک سینه و زنجیر تک ضرب )
.
.
#کاظمیه_شهادت
#زهر_کین_ایتدی_اثر_موسی_بن_جعفر_حالینه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بو گجه هادی باباون ئولمه سین یاد ایلوسن #الهادی_عینی_فرد

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی