روزه گرفتن حضرت اباعبدالله الحسین علیه السلام در کودکی
#گریز به #قتلگاه
.
.
.
مرحوم حاج بیوک اعظمی تبریزی
.
حسین سپهر وجاهتده ماه سیمادی
حسین جمالینه رشک ایلین ثریادی
.
اولوبدی شمس و قمردن جمالی نورانی
آتاسی آی آناسی گون اوزی دل آرادی
.
ایشقلی گوندی جمالی گورر گوز اولسا یوزون
گونون یوزون گوره بولمز او گوز که اعمادی
.
نه آی نه گون نه ستاره نه عالم امکان
حسین نفسوسه محبتده حکمفرمادی
.
حسینون عشقی قویوب اهل عشقی حیرتده
ایدوبدی چوخلاری دیوانه بیر حسین آدی
.
چکن مجالسه خلقی حسین محبتی دور
هامی بولور که حسین معنی تولادی
.
حسیندی رهبر اسلام حسیندی حامی دین
حسین حبیب خدادور عزیز زهرادی
.
حسینه کیم باخا عزت گوزیله خوار اولماز
بوشاهه خوار باخان گوزهمیشه رسوادی
.
حسین جلالینی دنیا یازار تمام اولماز
نقدر شرح اولا شآن و جلالی با جادی
.
بو سوز که نقل اولونور سبزواریدندی خبر
ویرر صفا اورگه بیر کلام زیبادی
.
ایشتمیشم بو سوزی بیر مبرّز عالمدن
امام خلقدی دارای زهد و تقوادی
.
که سید احمد خسروشهی بونی بیر گون
بویوردی منبری واردور الینده اسنادی
.
او علم صاحبی نقل ایلدی بو طرزیله
اونون دیلینجه دیلیم بو بیانه گویادی
.
یازولا یدّی یاشندیدی دوتدی بیر گون اروج
او عشقه ایمدیده خیره بو چشم دنیادی
.
گونارتا گچدی حسینون سارالدی گل رنگی
آناسی گوردی حسین آجدی بی توانادی
.
بویوردی حالوی پوزقون گورنمرم من اوغول
بو حالتون دل زهرایه رنج و ایذادی
.
اروج سنه هله واجب دگل گوزوم نوری
صغیرسن بالا شآنون اگر چه کبرادی
.
اوغول حسین سارالان رنگوه آنان قربان
بیر آز گل ایله تناول غذا مهیادی
.
دئدی آنا منه حکموزدی لازم الاجرا
همین بو باره ده هر امروز اولسا اولادی
.
ولی آنا سوورم آخشام ایلیم افطار
بو آجلیقا دوزرم منده صبر دریادی
.
حسنده ایلدی تکلیف اعتذار ایلدی
نه عشقدی نه محبتدی نه قضایادی
.
گلوب آتاسی علی آگه اولدی مطلبدن
بویوردی سنده اوغول ضعف حالی پیدادی
.
گل ایله میل غذا لبلرون اوغول سارالوب
یانان بو حاله دل سخت سنگ خارادی
.
دئدی آتا منه امروز اگر چه لازمدور
قبول ایدون ولی سیزدن بو بیر تقاضادی
.
ویرون اجازه بو حالیله ایلیوم آخشام
اوزوم آتا سوورم دل غمه شکیبادی
.
خبر پیمبره یتدی ایدوبدی رنجه قدم
گوروبکه ایوده بیر آز گفتگو و نجوادی
.
ملولدورقیزی زهرا سولوب حسینون یوزی
بولوب نیه بئله پوزقون بتول عذرادی
.
ایدوبدی جدی پیمبر حسینه فرمایش
یوزونده من گورورم تشنه لیق هوایدادی
.
بیز آز سو میل ایله سونسون اورکده کی عطشون
اوشاق سوسوز لوقا تاب ایتمز آشکارادی
.
سالوبدی باشین اشاقه حسین عرض ایلدی
بابا بو باره ده امروز اگر چه مجرادی
.
اجازه ویر سزاگر من بو گون اروج دوتارام
که مقصدیمدی سوسوزلوق منه گوارادی
.
نزول ایدوب یره روح الامین شتابیلن
اوگلماقندا یقین بیر پیامه دارادی
.
گلوب پیمبره وئردی سلام عرض ایلدی
خدا بویوردی حبیبیم اوچون نه شورادی
.
حسین منمدی ملول ایتمیون حسین اورگین
منیم یانیمدا حسینون مقامی بالادی
.
قویون دوتا اروجون ایمدیکه رضادی اوزی
اگر چه وار عطشی حالتی غم افزادی
.
اوقدر صبرین حسینون اورکده آرتورام
سوسوزلیقا دایانار چون محل اعطادی
.
غروب وقتی یتوب ایلسون حسین افطار
هامی بوله که حسینون مقامی والادی
.
اولوب غروب حسین ایستدی آچا اروجون
سالیندی سفره نه سفره صفاده یکتادی
.
اوتوردی سفره باشندا بتول دلبندی
غریبه منظره دور نه صفالی مآوادی
.
تمام گویده ملک لر دوروب تماشایه
گوروبله منزل زهرا عجب تماشادی
.
او دم آچوب بالاجا اللرین دعایه حسین
که قرب حقه مقرب او ماه سیمادی
.
حسین دعا ایدوری بیر باخون جلالتینه
دین دعا سنه آمین علی اعلادی
.
مگر دعا قییدر پنج تن اولان ایودن
بتولدور حسنیندی علی دی طاهادی
.
گوروبله میل غذا ایتموری گنه شه دین
بیلوبله مقصدینی دلده نه تمنادی
.
حسینون اول اروج دوتماقیدی عالمده
عطا اولوندی نئچه پر بها هدایادی
.
بویوردی جدی پیمبر بهشتده کوثر
منمدی ویردیم اوغول من سنه او اسنادی
.
علی بویوردی پیمبر منه ویرن باغی
سنه عطا ایلدیم من او باغ آبادی
.
حسن دیدی کسرم منده جنتین قاپوسین
اوگونکه خلق اوچون شورحشر برپادی
.
بهشته شیعه لرون گتمینجه گتمز حسن
بو گونده عهد او گونده زمان ایفادی
.
بویوردی فاطمه من یر یوزونده کی سولاری
بغشلدیم سنه مهریه دن عطایادی
.
گلوب او حالده روح الامین عرض ایلدی
حسین خادمیم من منه او مولادی
.
منیمده ایستورم اولسون بو بارده حقیم
که شاهه نوکر ایده جان فدا بو حسنادی
.
نقدر ایمدیه دین ایتمشم عبادتلر
حسینه بذل ایلدیم موقع تقلادی
.
خدا بویوردی حبیبیم منه دوتوبدی اروج
جزای صوم منم اجر مندن اولادی
.
نقدر شیعه لری دوتسالار اروج دیمیشم
قبول ایدم که حسین دردینه مداوادی
.
جزاده شیعه لرینده بغشلرم او قدر
رضایتی اله گلسون شفیع عقبادی
.
آناسی قارداشی جدی آتاسی راضی اولا
منیمده حکمیم حسینون الیله امضادی
.
ویروبدی درسینی استاد عشق اولدن
که قرب حقده شآن و جلالی عظمادی
.
ویروب بو حالیله سر مشق عالمه یعنی
عبادت ایلمین حقدن مبرادی
.
اروج متاعی قویولودی یره باخون عشقه
ساتان حسین آلان الله غریبه سودادی
.
دوتوبدی بیرده اروج دشت کربلاده حسین
او گون حرارتین آرتیردی گون نه معنادی
.
اوزی یارالی سوسوز ایسی قوملارین اوستی
گدوب کمکلری الدن غریب و تنهادی
.
دوشوبدی قان آرا یالقوز هرایه یوخ یتنی
تمام دور و برینده سپاه اعدادی
.
قلج ویرن اوخ آتان بیربره ایدور سبقت
حسیندی بیر ایله لشکردی قانلو صحرادی
.
باخوردی خیردا اوشاقلار خیامدن یکسر
دیوبله بیر یارالی اوسته گور نه دعوادی
.
دگوبدی بیر بیره عالم اسوب قرا یللر
آناسی فاطمه نون ذکری وا حسینادی
.
قلم اود آلدی داخی « #اعظمی » تمام ایله
شرار محنت و غم یاندیرار بو اکبادی
.
#رمضانیه
#حسینیه_مدح #اعظمی_تبریزی
#حسینیه_شهادت
#حسین_سپهر_وجاهتده_ماه_سیمادی
#حسینیه_اعظمی_تبریزی
#ترکی
.
.
نظر دهید