یا علی
غدیریه
.
✍️ #زبدةالاشعار ✍️
.
🆔: @nohe_torki
.
علیرضا عباسی (احسان تبریزی)
.
یئتیریبدی خلقتین عالمی شرفه جلالته یا علی
بشریتی بو ولایتین یئتیریبدی عزته یا علی
سنی افتخار ائلیبدی حق بو تمام خلقته یا علی
یولیوی گئدیب هر او کس چاتوب هدفه سعادته یا علی
سنی برگزیده ائدیبدی حق اوزی بو خلافته یا علی
.
.
سنی ختم مرسله جانشین ائلین خدای امینیدیر
اوزی امر ائدیبدی پیمبره سندی قرآن مبینیدیر
گتیرن او حکمی پیمبره او جناب روح الامیندیر
بئله امر اولوبدی ولایتین سبب تکامل دینیدیر
سنی حامل ایلدی ذات حق علم ولایته یا علی
.
.
اولا بیلمزیدی بیر آیری کس اولا ختم مرسله جانشین
یوخودی بیرینده سنین کیمی اولا علم وحلم عمل یقین
سنین همتونله قیام ائدیب دایانوبدی چون بو عمود دین
سنیله یئتیردی رسالتین هدفه اوخاتم مرسلین
سنیدین فدا ائلین جانین هدف رسالته یا علی
.
.
سن امیر جمله ی مومنین سبب تکامل دینیسن
آقا خلق وخالقه واسطه یارانوبسان حبل متینسن
یئتیشیب فضیلت انبیا سنه چونکه پاک امینیسن
سنی مدح ائدیبدی کتاب حق دیوب اهل ذکر ویقین سن
حق اوزی ملبس ائدیبدی جامه ی فضل وحکمته یاعلی
.
.
اثر اولمازیدی بودینیدن سنون اولماسیدی شجاعتین
غزوات بدر واحد ده کی او تلاش سعیله همتین
قوتاریبدی جان پیمبری او چتین زمانیده غیرتین
یتیریبد ی نخل رسالتی ثمره او عالی حمایتین
هانی کیم سنین کیمی جانفشان اولا بو شریعته یا علی
.
.
سنی زیب خلقت ائدیبدی حق گوزه ل آدین عرش وفلک لره
سنی رهنمای امین ائدیب هامی انس وجن و ملک لره
ائلیبدی حکّ اوزی دست حق آدیوی اولدن اوره ک لره
زر ناب عشق و شرافتین نه نیازی واردی محک لره
دانا حقیوی هر او کس یقین دوشه جاق ضلالته یا علی
.
.
بو جهاندا کیمدی سنین کیمی گزه بیله صدق وصفائله
ائده تکیه تخت خلافته ولی کهنه کفش و عبائیله
وئره اوز غذاسینی آجلارا اولاهمنشین فقرایئله
چاتا اوج قدرته بیر گوره اوزینی ولی ضعفا یله
بو جهاندا وئرمیسن آبرو اودی سن عدالته یا علی
.
.
دوشوب عقلی حیرته هر او کس پی اپاردی جاه ومقامیوه
ملک و بشر هامی تشنه دیر یئتیره دوداقینی جامیوه
خم ائدر فلک قد و قامتین سنین هر قعود و قیامیوه
قفس بلاده اسیر اولار هر او کس که دوشمسه دامیوه
خوشام عشقیوین قفسنده دل دوشه گر اسارته یا علی
.
.
واریدی او قدری شجاعتین او قدر واریدی سخاوتین
او قدر واریدی که همتین او قدر واریدی کرامتین
بشری سالوبدی تحیره سنین عشق و شوکت وعزتین
بو جها ندا عقلی ائدیبدی مات سنین عدل وداد وعدالتین
بو جهانین عمری فدا اولا او بئش اییل حکومته یا علی
.
.
#حیدریه_مدح
#غدیریه
#یئتیریبدی_خلقتین_عالمی_شرفه_جلالته_یاعلی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید