زبدةالاشعار

دئ گوروم مدینه لی قز ندن بله خوار ائدوبدی زمان سنی #حضرت_رقیه #نادری

گفتگوی دختر یزید با حضرت رقیه (س)
✔️سوال و جواب
.
✍️ زبدة الاشعار ✍️
.
?: @nohe_torki
.
مرحوم نادری
.
دئ گوروم مدینه لی قز ندن
بله خوار ائدوبدی زمان سنی
نه بابان گلورسنی یؤخلیا
نه آلور قوجاقه آنان سنی
.
.
سیزه یر وئروبله خرابه ده
نه دی علت ای گل نوبهار
نیه چاره یوللاری باغلانوب
نیه اولموسوز بیله زار و خوار
ایاقون قاباردی ئوزون اسیر
نیه سخت اولوب سیزه روزگار
سارالوبدی رنگ رخون ندن
اریدوبدی درد نهان سنی
.
.
باخورام نجابتون امر ائدور
گل خانوادیه اوخشادام
یری واردی من بو غروریلن
سنی نازدانیه اوخشادام
بئله بیر خرابه نشین قزی
نجه شاهزادیه اوخشادام
نیه تیر محنت و ماتمه
فلک ایلیوبدی نشان سنی
.
.
نجه پادشهدی سنون بابان
سنه بیر نظر سالا بیلموری
نجه پادشهدی قزین آتوب
یانووا گلوب قالا بیلموری
نجه پادشهدی بابان سنه
تزه بیر لباس آلا بیلموری
سنه یوخ یقیندی محبتی
اودی ترک ائدوبدی بابا سنی
.
.
منه باخ که شهدی بابام یزید
بورویوبدی عالمی شهرتیم
گیورم حریریله پرنیان
اوجادور جلالیله شوکتیم
اوجا قصرده نچه یوز غلام
اطاقیمدا وار نچه کلفتیم
باخورام نه وار آتا قارداشون
هامی ترک ائدوبدی گمان سنی
.
.
هانی گوشواره النگو پس
دئ گوروم سنه نه اولوب مگر؟
نیه نیلی دور رُخ و صورتون
سنه سیلی لر وورولوب مگر؟
هانی باشدا معجر زر نشان
زر و زیورون سویولوب مگر
قوری یرده سن هانی ائللرون
هانی بیر قوجاقه آلان سنی
.
.
قره زلفووی ندن ای اسیر
بورویوب خرابه ده گرد و خاک
نه اولیدی مشک و گلاب آلوب
آنان ایلییدی بو زلفی پاک
نچه قاره پوش اولان عورتی
گورورم خرابه ده سینه چاک
نیه دینمیسن نه دی علتی
نیه خوار ائدوبدی جهان سنی
.
.
منیلن اگر گئده سن بیزه
یووارام ئوزوم ال ایاقیوی
وئررم لباس قماشمی
ائدرم سوا ئوز اطاقیوی
وئررم سنه او قدر کنیز
آلا کلفتون صول و ساقیوی
بُؤیؤگوندن اذن آلاسان گئدک
ائده سن یانیمدا مکان سنی
.
.
گوروب عمه سی بئله صحنه ده
کسیلوبدی تابی رقیه نون
سارالان یوزونده اثر قویوب
ز بس انعکاسی قضیه نون
دئدی ناتوان قزیم آغلاما
پوزولا تفاقی امیّه نون
بو یزید دختریدور بالا
گلوب ایله سین نگران سنی
.
.
دئگیلن یزید قزی بیله بو
قوری ققفسده نه جان قالوب
هامی گوشواره النگومی
دئ بلا چولونده سنان آلوب
سنی عشرته منی ذلته
بو قرا گونه او بابان سالوب
منی آغلادوب غمه سالدیلار
ولی شاد ائدوبدی سنان سنی
.
.
.
گوروسن طناب ئوزی خط سالوب
یری قولدا قولباق اولوب طناب
قوری یرده توپراق اولوب منه
همی فرش و بالش و تخت خواب
منه زینب عمَّم اولوب کنیز
منه نوحه گردی آنام رباب
سنه هاردا وار بئله بیر مقام
عزیز ایلیوبدی جهان سنی
.
.
داخی «نادری» یاز او گوندی که
تزه بیر قیامت اولور بیزه
بو خرابه شامیده صبح و شام
نقدر جسارت اولور بیزه
یا گلور قزی یا یزید ئوزی
هدفی شماتت اولور بیزه
بو ستم بو ظلم بو طعنه لر
ائده جک غریبه مکان سنی
.
.

این متن را هم بخوانید:  بگویم باسوز سینه غریبم من درمدینه #صادقیه #محمدی_ناعم

#سبک_بالام_آغلاما_گلوم_آغلاما … بیش از 7 سبک برای سینه زنی و زنجیر
.
.
✔️ جواب حضرت رقیه (س) (با سبک متفاوت) در هشتک زیر
#نجه_من_فاش_ائدوم_چوخدان
.

.
#حضرت_رقیه_شهادت
#دی_گوروم_مدینه_لی_قز_ندن
#نادری
#ترکی
.
✍️ #زبدةالاشعار ✍️
.
?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی