زبدةالاشعار

دست قدرتله خدا، محو ایله استکباری #قاسم_سلیمانی_ستار_رزاقی

در شهادت سردار دلاور اسلام حاج قاسم سلیمانی
.
.
ستار رزاقی تبریزی
.
.
دست قدرتله خدا، محو ایله استکباری
قطع نسل ایله بِله دشمن بدکِرداری
.
بیر خطایه گینه ال ووردی او شیطان بزرگ
او خطائیله ووروب دلّلره زخم کاری
.
یاندیروب لشگر اسلام اورگین ظلمیله
کی شهید اِیتدی سلیمانی کیمی سرداری
.
نِجه سردار کی حقّ اوسته فدایی سرباز
جان و دِلدن اودی اسلامه اِدیردی یاری
.
هاردا احساس ایلسِیدی کی اونا واردی نیاز
باش و جانیله گیدردی او دیاره ساری
.
درسینی آلمیشیدی کربوبلا شاهیندن
اودی اولگو اولوب احراره گوزل ایثاری
.
تک نه ایران، تانوری بو کیشینی اهل جهان
چونکی هر یِرده اولوب دشمنیله پیکاری
.
نه مجاهد، نه فداکار، نجه مرد جهاد
کی چتین بیرده گورر گوز بِله پرچمداری
……….
ماتَم حضرت زهراده اولاردی حاضر
قاره اَگنینده ووروب سینه ایدَردی زاری
.
اِله صدقیله خانم فاطمیه آغلاردی
کی پوزاردی او مجالسده اولان حضاری
.
حیف اولا یوخدی داخی محفل ماتمده گلوب
آغلیا اشگیله آغشته اولا رخساری
……..
دائما دست ادب سینه ده اول کان ادب
جان و دِلدن اولوب ائوز رهبرینون غمخواری
.
موبه مو دهریده امرین اِلیبدور اِجرا
خطّ و مشی اولدی اونا سیدعلی گفتاری
.
خسته لیق بیلمدی عمرونده او سردار رشید
همّتیلن ولی هر یِرده یوروب کّفاری
.
اهلبیتین حرمین گوزلدی عباس کیمی
قویمیوب چپ باخا اول قبریلره غدّاری
.
عاقبت حیله و نیرنگیله دست شیطان
دامه سالدی او وفادار سپهسالاری
.
یخدیلار تولکی صفتلر یِره الله شیرین
اِیتدیلر قانینی توپراقلارین اوسته جاری
.
الینی سالدیلا پیکردن ابوالفضل کیمی
دار غربتده توکولدی یِره ناحق ثاری
.
بونی بیلمیلّه کی ناحق توکولن قان باتماز
گتورر جوشه یقین خون هامی احراری
.
گله جاق عرصیه مینلرجه سلیمانیلر
دین اسلامه همیشه ایده جاقلار یاری
.
بو آخان قان علم دینی سرافراز ایده جاق
یخاجاق دهریده حتما علم اشراری
.
باش و جان راه ولایتده وِیرر هرعاشق
چونکی عاشق ره جانانیده خوشلار داری
.
سنده رزّاقی شریک ایله ائوزون بو غمده
داخی دنیا گوزی گورمز بیله بیر سرداری
.
.
#ستار_رزاقی #ترکی #زبدةالاشعار #قاسم_سلیمانی #انتقام_سخت

متن پیشنهادی:  باشیم اوسته گل ای کمکسیز علی #فاطمیه_رمضانی_خاکی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters

Filter by Custom Post Type

دسته بندی درختی