زبدةالاشعار

دیل ثناخواندیر سنه ای جلوه سی جان آفرین #حیدریه #بیدق_داری

مدح حضرت علی (ع)
.
✍️ #زبدةالاشعار ✍️
.
🆔: @nohe_torki
.
#بیدق_داری
.
دیل ثناخواندیر سنه ای جلوه سی جان آفرین
محشره شافع ، نجف شاهی، امیرالمومنین
.
اونداکی شمع شهودی نور ذاتون یاندریب
نوریووه یکسر دئیوبدور آفرینش آفرین
.
اللرونده لا کیمی وار ذالفقارون یاعلی
نفی اولا تاکی شریک ذات رب العالمین
.
دوشسه بیرقطره اگر آلنونداکی تردن یره
یئر یوزونده قیشدا یازمثلی گل ایلر یاسمین
.
قبله گاهیمدور گوزل درگاهین ای الله الی
کویووین توپراقیدیر گونده منه مهرجبین
.
قیرماسین مطلق شفاعت رشته سین عقباده چون
رشته ی عمریم بودنیاده اولوب حبل المتین
.
خلقته علتدی زهرا لیک سنده جاهه باخ
اولدی قلخانون دلیل خلق دنیایه کبین
.
فیض فیاض وجودوندور که آدم خلق اولوب
جودیووه مدیوندی مولا اولین و آخرین
.
قهریله باخسان بهشتی نهرلر ناره دونر
لطفیله باخسان جهنم ده اولارخلدبرین
.
مات اولوبدور عرش اعظمده اولان اجلالیوه
اونداکی مشغولیدی معراجه عقل اولین
.
کولگه سی گر سن دگولسن بس ندن الله ئوزی
ایلیوبدور زادگاهون قبله ی اهل یقین
.
سنکیمی عادل یالاندور کیم دئسه دهره گلر
مثلیوی بیرده گتیرمز عالمه جان آفرین
.
ذوالفقارین کجدور آمما کج یولون مبناسیدیر
اولماسیدین دوز یولا دوشمزدی اسلام مبین
.
گون سنه سائلدی نورآلماقدا ،آی گردشده دیر
تاکی اولسون خرمن حسنونده بیرآن خوشه چین
.
مکتبونده درس آلانلار درس ایمان وئردیلر
پرورش تاپدی بومکتبده ابوالفضل امین
.
کربلاده جان وئروب رسم وفادن گئچمدی
اللریندیدی سو آمما تشنه سقا ایچمدی
.
#حیدریه_مدح
#دیل_ثنا_خواندیر_سنه_ای_جلوه_سی_جان_آفرین
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  زهرا مدینه نون مارالی زهرا #فاطمیه #الماسی_اهری

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی