زبدةالاشعار

عراق اهلی قویوب یوز شه جحاز اوسته #حسینیه_اسماعیل_تائب

شهادت حضرت ابی عبدالله الحسین (ع)
.
✍️ #زبدةالاشعار ✍️
.
🆔: @nohe_torki
.
مرحوم شیخ اسماعیل تائب
.
عراق اهلی قویوب یوز شه جحاز اوسته
توکولدی زاغ و زغن دسته دسته باز اوسته
.
قوری یر اوسته ایدردی حقیله راز و نیاز
یتن وراردی او اهل حقی نیاز اوسته
.
دوننده هر یانا اوخلار باتاردی پیکرینه
ویرردی شوقیله جان تیر جانگداز اوسته
.
دوتاردی اوجینا قانین یاخاردی صورتینه
سالاردی شیعه لری یاده دستماز اوسته
.
جماعتی یغیشوب آدلاری نماز قیلان
نماز صاحبین ئولدوردیلر نماز اوسته
.
جبینی سجده ده تسلیم اولوب دیوب تکبیر
باشی جداده بدن قالدی جانماز اوسته
.
نجات امّت ایچون هر جفایه تاب ایلدی
دؤزوب اذیّته محمود تک ایاز اوسته
.
سکینه سینه سی اوسته ایدوب زبس ناله
یورولدی باشینی قویدی کسیک بوغاز اوسته
.
گوروب کسیک بوغازیندان حزین سسی گلوری
قولاق ویروب گوروب اول اهل رازی راز اوسته
.
دیَر سرین سو ایچنده منی ده یاده سالون
غریب ئولنده گلون سوزیله گداز اوسته
.
اولیدی شیعه لر ایکاش روز عاشورا
دگنده اصغریمه تیر خواب ناز اوسته
.
دوشنده گل یوزینه اکبرین سر زلفی
گورن دیردی سالوب سایه سرو ناز اوسته
.
سَنان سِنانه وروب رأس شاه عطشانی
قزی سواریدی جمّاز بی جهاز اوسته
.
.
#حسینیه_اسماعیل_تائب
#حسینیه_شهادت
#عراق_اهلی_قویوب_یوز_شه_جحاز_اوسته
#ترکی

متن پیشنهادی:  بارالها اصغر شش ماهه میدانه گیدور #اصغریه_آسال_اردبیلی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی