در شجاعت حضرت علی اکبر (ع)
..
..
..
..
مرحوم کریمی مراغه ای
..
..
..
..
عزم ایلدی مخیمدن میدانه علی اکبر
چون نوح اوزین وردی طوفانه علی اکبر
..
..
..
..
ایستردی نبرد ایتسون طاغوت زمانیله
دنیایه تکان ویرسون خونین هیجانیله
یا ایلسون اشراری مسحور بیانیله
یا نهضتینی یازسون عالملره قانیله
پخش ایلسون اسلامی هریانه علی اکبر
..
..
..
..
آیریلدی کواکبدن بیر ماه منوّر تک
یوز دوندروب اعدایه دعوا گونی حیدر تک
گون ووردی گییم قزدی اود دوتدی سمندر تک
سولموشدی سوسوز لبلر گهوارده اصغر تک
بنزردی منا اوسته قربانه علی اکبر
..
..
..
..
دریا کیمی موج ایلور صحرا دولوسی لشگر
بیر مشت جنایتکار مزدور و ستم پرور
تل اوسته دوروب سالدی کشتی کیمی بیر لنگر
نه واهمه نه وحشت عنقا تک آچوب شهپر
تا مرکبینی گتدی جولانه علی اکبر
..
..
..
..
تر، ماه جبینینده شبنمدی گیاه اوسته
بیر دسته قرا زلفی چون ابریدی ماه اوسته
خصمانه نگاهیله بیر باخدی جباه اوسته
وحشت توزی قوندوردی دیداری سپاه اوسته
خصمین ایدوب افسونین افسانه علی اکبر
..
..
..
..
چون صورت و سیماده پیغمبره بنزردی
اعراض ایلیوب لشگر گویا که پیمبردی
سعد اوغلی دیدی یاران بو زادۀ حیدردی
دلبندیدی لیلایه پیغمبره مظهردی
هم عترت طاهایه دردانه علی اکبر
..
..
..
..
سسلندی علی اکبر ای قوم جفا پیشه
بیدار اولون عقبایه بیر آن ایدون اندیشه
غفلت نقدر سالمیش جانوزده رگ و ریشه
پاداش جهنّمدور عُقباده ستم کیشه
ارشاد ایدیری خلقی رضوانه علی اکبر
..
..
..
..
بیر پاره نصیحتلر ایتدی صف دشمنده
افسوس اثر قویماز باران دل آهنده
نه باخدیلا قرآنه نه اولدولا شرمنده
شمشیری غلافندن تا چکدی او رزمنده
ووردی اوزینی فوج عدوانه علی اکبر
..
..
..
..
گزدیردی سپاه اوسته شمشیر زر افشانی
تکبیریله پی در پی تعقیب ایدوب اعدانی
دشمندن ایدوب جاری میدانه قزل قانی
بیر شور و نشور اولدی توز دوتدی بیابانی
هی نعره چکوب دلدن شیرانه علی اکبر
..
..
..
..
یخدى یره حیدر تک بکر آدلی هنرمندی
اندی باشنی کسدی فوراً آتنی میندی
یوز دوندروب اخیامه مولاسینی سسلندی
خصمون بله خوار اولسون ای فاطمه دلبندی
شایسته دی انعام شایانه علی اکبر
..
..
..
..
تکبیر دیوب بیرده ووردی اوزین اشراره
احسن سسی لشگردن قالخوب گویه همواره
یورقون یارالی عطشان ضعف ایتدی او مهپاره
بیر خیمه لره باخدی بیر لشگر خونخواره
قاتدی گوزینون یاشین آلقانه على اکبر
..
..
..
..
سسلندی بابا تیز گل حمل ایت منى اخیامه
چوخ یاره ووروب دشمن عمریم یتوب اتمامه
سالدى منى طاقتدن بو قانه باتان جامه
یاز قرمزی قانیله صغرا باجیما نامه
یول گوزلمه سین دوشدی طوفانه علی اکبر
..
..
..
..
لب تشنه هوا ایستی یاندیم بابا یاندیم گل
سالدی یارالار دلدن آلقانه بویاندیم گل
دشمن چوخ، اؤزون یالقوز محنتدن اوصاندیم گل
پابوسیوه گلماقدان عفو ایله یوباندیم گل
گل تا ویره جان راحت جانانه علی اکبر
..
..
..
..
باش یاره بدن یاره یوز یاره دوداق یاره
شمشیریله گل جسمیم اولدی بابا صد پاره
لیلایه سلام ایله سالسون باشنا قاره
گیتدی بالاسى الدن قالدی داخی بیچاره
یاندیردی اونی داغ هجرانه علی اکبر
..
..
..
..
مدّتدی کریمی نون غمدن اوره گی قاندور
حسرتدی گوزل قبره دائم ایشی افغاندور
گورسیدی او ششگوشه قبرونده نواخواندور
چکمزدی بهشت آدین قبرون اونا رضواندور
یاز دعوت اونی گلسون رضوانه علی اکبر
..
..
..
..
#اکبریه #کریمی_مراغه_ای #اکبریه_شهادت #اکبریه_شجاعت #ترکی #زبدةالاشعار
نظر دهید