علی بو قدری گل ایتمه ناله #اصغریه_ذاکر_اردبیلی

زبانحال حضرت رباب (س) در شب عاشورا
..
..
..
#سبک_آچیلدی_پرچم ( 10 سبک )
مشابه
..
..
..
مرحوم ذاکر اردبیلی
..
..
..
..
..
علی بو قدری، گل ایتمه ناله
عطش نفسدن سالان بالام یات
گیدن سوسوزدان، علاجی الدن
گوزی اؤزومده، قالان بالام یات
..
..
..
..
..
آلوب الوندن عطش قرارون
بو آه و زارون بو آغلاماقون
دوشومده صود یوخ حرارتون چوخ
یانور عطشدن دیلون دوداقون
یوخوندی طاقت ز بس عطش سن
اسور سوسوزدان الون ایاقون
على بو قدری گل ائتمه ناله
یانوب عطشدن سولان بالام یات
..
..
..
..
..
یارالی قلبیم یانار غموندن
اولور دگرگون بو غملی سسدن
بو قدری ائتمه فعان و ناله
همای روحون أوچار قفسدن
بالام آز آغلا گولوم آز آغلا
سالار بو ناله سنی نفسدن
على بو قدری گل ائتمه ناله
یانوب عطشدن سولان بالام یات
..
..
..
..
..
سنی گورنلر یانار اورکدن
توکوب سرشگین گلور مقاله
من غریبه بیله دیورلر
نیه بو اصغر قالوب بو حاله
دییرم آخر دوشومده صود یوخ
یانور عطشدن ائدر بو ناله
على بو قدری گل ائتمه ناله
یانوب عطشدن سولان بالام یات
..
..
..
..
..
الهی نیلوم نه چاره ایلوم
سو یوللارینی کسوبله کفّار
ئوزومده یاندوم بالامدا یاندی
هارا گئدوم پس من دل افگار
گوزون تیکورسن بالا گوزومه
بئله بیلورسن دوشومده صود وار
على بو قدری گل ائتمه ناله
یانوب عطشدن سولان بالام یات
..
..
..
..
..
یانار بو چولده بلالی جانیم
نه قدری واردور باشیم بلاسی
بو رسمیدور چون چیخار عطشدن
سمایه بولبول لرون نواسی
گتور سرشگی سیلوم گوزوندن
ئوپوم اؤزوندن گوزون فداسی
على بو قدری گل ائتمه ناله
یانوب عطشدن سولان بالام یات
..
..
..
..
..
باخورسان اوغلوم یوخاری هردم
قالور او حسرت گوزون اؤزومده
سوسوزدان آخر هلاک اولورسان
ئوزونده باندون بالا ئوزومده
سوسوز اوشاقون دوامی اولماز
دیینده یانّام من هر سوزومده
على بو قدری گل ائتمه ناله
یانوب عطشدن سولان بالام یات
..
..
..
..
..
نه رحمسیزدور أو شامین اهلی
دیار شامون جفا سپاهی
کسوب فراتین سو یوللارینی
سوسوز اوشاقون ندور گناهی
ئوزون بو دردین ائله علاجین
کسیلدی چاره م منیم الهی
على بو قدری گل ائتمه ناله
یانوب عطشدن سولان بالام یات
..
..
..
..
..
یاز ایله ذاکر الونده توشه
ذخیره ایله دم جزایه
قلم قویاندا صحیفه اوسته
نوالی نی تک گلور نوایه
زبان حالین دیوب چوخ آغلا
او شیرخواره او بینوایه
على بو قدری گل ائتمه ناله
یانوب عطشدن سولان بالام یات
..
..
..
..
..