آرزوی زیارت
.
.
.
مرحوم شیخ اسماعیل تائب
.
.
گوگل او کرب و بلادور محل جاناندور
مقام قُربدى عشاقه مایۀ جاندور
.
مطاف اهل صفادور او بُقعۀ عالی
او بُقعه کعبۀ مقصود اهل عرفاندور
.
تُرابی تحفۀ اهل سما و جنّتدور
غباری سُرمه چشمان حور و غلماندور
.
او شأن و رتبه و جاهیله اول مکان شریف
محلّ ناله و شور و بکا و افغاندور
.
ائدوبله گنبدینه نصب قرمزی پرچم
نشانه دور که حسین ئوز قانیله الوان دور
.
عیالی شامده بی شمع و بی چراغ قالوب
او دور که صحن و رواق حرم چراغاندور
.
نه صحن باغ جنان نه رواق روضهخُلد
حرم حریمدی نه بلکه عرش رحماندور
.
بصیرت اهلینه آیات حق اولوب ظاهر
ولیک أَعیُنُ لا یُبصِرونَه پنهاندور
.
ضریح اقدسی مِشکاة ، مرقدی مصباح
وجودی نور دی ، بی مثل نورافشاندور
.
زُجاجه دور ، در و دیوار ، سقف سطح فضا
سان کوکب دُرّی زهی درخشاندور
.
بو نور ، نور سماوات و أرض دور ، اما
نه نور شرقدی نه غرب ، نور یزداندور
.
بو نور ، او نور شجردی که حضرت موسی
حقیقتینده او نورین هنوز حیراندور
.
او نوره مُنضَم اگر اولسا اکبرون نوری
به بحث نورٌ على نور نَصِّ قرآندور
.
علی اکبری پائین پاده دفن أولونوب
او اکبری که شبیه رسول منّاندور
.
دوداقی غنچه ، یوزی گلدی ، کاکلی شنبل
دو چشم نرگسی شهلادی خطّی ریحاندور
.
لبی عقیقدی دندانی در و مُروارید
او قانیله بویانان زلفی شَطّه مرجاندور
.
دهانی چشمۀ کوثر لسانی طوطی خُلد
نهال قامتی طوبا ، بسا خراماندور
.
جمالی جنّت و النَّهر تَحتَهَا الأنهار
بوغازى نهردی سو تک روان اولان قاندور
.
#گریز #قتلگاه
.
گنه خیالیمه دوشدی حسینون اول وقتی
که گوردولر بدنی یرده زیبا میداندور
.
کنار فاطمه ده بَسلَنَن وجود شریف
تمام زخم سیوف، و سِنان و پیکاندور
.
او دمده زینب کبرا یتیشدی قارداشینا
باخوب گوروب که حسین حالی چوخ پریشاندور
.
یوزون دوتوب قوشونا سسلدی سیزی تاری
قویون بونی چویروم قبلیه مسلماندور
.
یقین حسین سنه « تائبا» توجه ایدوب
که مرغ گلشن طبعون بیله خوش الحاندور
.
#آرزوی_کربلا
#گوگل_او_کرب_و_بلادور_محل_جاناندور
#ترکی #کربلا #اسماعیل_تائب
#زبدةالاشعار
نظر دهید