زبدةالاشعار

قادرالله لطف ایدیب تاثیر باوردن یازام #باقریه #بیدق_داری

مدح امام باقر علیه السلام
#گریز به مصیبت #غارت_خیام در کربلا
.
✍️ #زبدةالاشعار ✍️
.
🆔: @nohe_torki
.
حاج داود بیدق داری
.
قادرالله لطف ایدیب تاثیر باوردن یازام
باوری تفسیر ائدن روحانی رهبردن یازام
پنجمین نور الهی پور حیدردن یازام
اللهین علمینده باقر سوزلری در گران
علمینه مدیوندی عالم حلمینه قرباندی جان
.
.
وارحدیثی منشائی باوردی رحمانیته
اصلیده سرلوحه دی دنیاده انسانیته
باغلیدور روزی بویوردی پاک و زیبا نیته
هرعملده نیتی خوش اولسا انسانین اگر
قادراللهین الیله روزیسی آرتیق گلر (۱‌‌‌)
.
.
آدینی یازدیم یتیشدی گوهر معنا منه
ایستدیم ئوز مدحتینده لطف ائده مولا منه
فکریده بیر جمله گلدی کامل و زیبا منه
سسلیه م ای کربلانین یادگاری عاشقم
سن عنایت ایله آقا گرچه من نالایقم
.
.
ای ائدن درگاهینه گویده ملکلر احترام
ای چراغسیز قبرینه شیعه یانان دلدن مدام
یا امام باقراولسون قبریوه بیزدن سلام
اهل عرفانه مزارون قبله گاه عشقیدور
کنج دیوار بقیعون جان پناه عشقیدور
.
.
شکراولا اللهه نورعلمون اولدی مستدام
حوزه لرده بحثی واردور علمووین هر صبح و شام
افتخار ایلر جلال و حلمووه خیرالانام
رأیت اجلالیوی اوج کماله وورمیسان
شاهراه عقل و علم و حکمت اوسته دورمیسان
.
.
آلتی دریایه گهرسن سوزلروندور درّ ناب
افتخار ایلر سنون تک جانشینه بوتراب
اگلشوبسن قلبلرده گون سیاقی بی نقاب
کنیه ده سنسن اباجعفر سنه عالم فدا
آدیوی هر یئرده یازدیم یاده دوشدی #کربلا
.
.
روز #عاشورا که توفان قوپدی یاور قالمادی
خیمه لرده لیلینون دلبندی اکبر قالمادی
گئتدی عباس علمداریله اصغر قالمادی
خامس آل عبانی سالدی دشمن مقتله
حکم غارت صادر اولدی چولده دوشدی ولوله
.
.
گون قیزاردی شرمیدن لشگر اولاندا حمله ور
دولدیلار چادرلره نحس اللرینده قمچی لر
آز زماندا خیمه گاهی ائتدیلر زیر وزبر
آسمانه قوزانوب یئردن صدای الامان
اصغرین گهوارسینده غارت ائتدی کوفیان
.
.
چاتمادی بیر عده یه غارت اثاثی وار خبر
دورمادی اللهه خاطر لشگر بیدادگر
بی نصیب هرکیمسه اولدی قیلدی اطفاله نظر
سالدیلار تنگه او گون سوسو ووران اولدوزلاری
ووردیلار خلخاله خاطر چولده بیکس قیزلاری
.
.
خیردا بیر قیزسسلدی وورما مسلمانسان اگر
قمچی الده بیکسی وورماقدا واردور نه ثمر؟
مال دنیا قالمیوبدور منده ای کینه سیر
گر آدامسیز فرض ائدورسن بو کشاکشده منی
آگه اول ای بی خبر دینمیه نین وار دیننی
.
(1) ترجمه حدیث از بحارالانوار علامه مجلسی ج ۷۵ ص ۱۷۵
.
.
#باقریه_مدح
#قادر_الله_لطف_ایدیب_تاثیر_باوردن_یازام
#ترکی
..
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی