زبدةالاشعار

قطاریمی ساخلا منیم گیتمه ساربان گیتمه #راه_شام #شهاب_تبریزی

راه شام
.
✍️زبدة الاشعار✍️
.
?: @nohe_torki
.

مرحوم شهاب تبریزی
.

قطاریمی ساخلا منیم
گیتمه ساربان گیتمه
بالام دوشوب یولدا قالوب
گیتمرم دایان گیتمه
واردی بیر قالان گیتمه(2)
.

بِله گل آلود ایدرم اشگیلن بو صحرانی
قدم قدمدن گوتوره کیمسه اولماز امکانی
تاپولماسا اگر بالام گیتمرم حسین جانی
بو چولده قویمارام اولا کاروان روان گیتمه
.

ایدوب نوا قطاریلن ناقنی اوساندیرام
بالام گلنجه قافله اهلنی دایاندیرام
بیر آه سوزناکیله کایناتی یاندیرام
منم او طفل مضطرین حالنه یانان گیتمه
.

خبر ویر اهل قافله جمله ساربان دورسون
بو یرده بیر به بیر هامی ایلسون مکان دورسون
بیر آز تحمّل ایلسون شمریله سنان دورسون
آغورلانوب حسین باشی گیتمری سنان گیتمه
.

جدا باشندا گور نجه گوز یاشی آخار ظالم
اونون او حالی قلبیمی یاندیری یاخار ظالم
دولاندیروب یوزون دالی چوللّره باخار ظالم
بالاسین آختارور یقین اول شه جهان گیتمه
.

او طفل زار و مضطریم ایمدی الامان سسلر
صاقا گیدر صولا گیدر گیتمه عمّه جان سسلر
مگر سسین ایشیتمیسن اهل کاروان سسلر
دمادم آغلیوب دیر قالدیم عمّه جان گیتمه
.
قولاقیمه گلور سسی قلبیمی سالور درده
بالاما رحم ایدون مگر یوخدی رحم سیزلرده
قویون اوزوم گیدوم گوروم قالدی هانسی چوللرده
هلاک ایدر ایمدی اوزون بس چکر فغان گیتمه
.

عیاندی حالی بلبلون گر گلوندن آیریلسا
دوشر مه حاله اهل دل همدلندن آیریلسا
نجه دوزر صغیر اوشاق گر ائلیندن آیریلسا
علاوه که اسیر اولا زار و ناتوان گیتمه
.

قابار اولور ایاقلاری چوللری دولانماقدان
اریر وجودی محو اولور هجر اودونا یانماقدان
یتیمه لر امرینی سن بیله سهل سانماقدان
مرامون آخر ندور ای – ساربان دایان گئتمه
.

بو بینوا یتیمه نون حالینه #شهاب آغلار
یازیلسون اعمالیوه اگر ایستسن ثواب آغلار
حضور قلبلن ایله بو سوزی خطاب آغلار
قطاریمی ساخلا منیم گئتمه ساربان گئتمه
.

#سبک_خداحافظ_ای_آنام_باجی
.

#راه_شام
#قطاریمی_ساخلا_منیم
#شهاب_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی