گل عمه عالمین سلطانی گلدی #حضرت_رقیه_معروف_اهری

زبانحال حضرت رقیه سلام الله علیها
.
.
#سبک
.
.
کربلایی ابوالفضل عباسی معروفان اهری
.
.
گل عمه عالمین سلطانی گلدی
خرابه منزلین مهمانی گلدی
یارالی
یارالی
یارالی لبلرینده قان گتوردی
طبیبیم دردیمه درمان گتوردی
.
.
.
گل زیبای باغ حیدرم من
بو قانلی باشه عمه دلبرم من
طناب وصلی الدن وئرمرم من
فراقین عاقبت پایانی گلدی
.
.
.
وفالی ائللره غمخوارم عمه
سنه ویرانه ده دلدارم عمه
نه وقتدور حسرت دیدارم عمه
بلا صحراسینون قربانی گلدی
.
.
.
دوشوب آیری صفالی ائللریندن
گلور بوی جنان گیسولریندن
آخور قان قطره قطره لبلریندن
قویوب حسرت لب دریانی گلدی
.
.
.
بو باشی گؤرموشم نوک جداده
دگنده خیزران طشت طلاده
قوناقدور بو گئجه ویرانسراده
بگندی منزل ویرانی گلدی
.
ره مهر و محبتده دایاننام
یانان پروانه لر تک منده یاننام
بو باشین باشینه عمه دولاننام
دولاندی نیزه ده صحرانی گلدی
.
.
.
اسوب باد جفا سولدوم سارالدیم
در ویرانه ده گؤز یولدا قالدیم
بو باشی ئولمدیم آغوشه آلدیم
ئوپنده لبلریندن قانی گلدی
.
.
.
بیلورسن عمه بو امر خطیری
وزیر عالمده تک قویماز امیری
کنارینده بو شاهین یوخ وزیری
بو محنت آغلادیب زهرانی گلدی
.
.
#حضرت_رقیه_شهادت
#گل_عمه_عالمین_سلطانی_گلدی
#معروف_اهری #حضرت_رقیه
#ترکی
#زبدةالاشعار