دفن شهدای کربلا
.
✍️ #زبدةالاشعار ✍️
.
🆔: @nohe_torki
.
دکتر محمود پدیده
.
کربلا سجاد گرچه دفن ایدوب جسمونده جانی
لیک بیر جانیله مدفون ایلدی جان جهانی
.
.
بیر بدن کیم نازیله قویمازدی باشین پرّ قویه
ایله اولموشدی هدف تیر گروه کینه جویه
ممکن اولموبدور کفن ایتسون او جسم مشگ بویه
ایلدی آخر کفن اول جسم پاکه بوریانی
.
.
تا ترابه تاپشوروب فرزند راد بوترابی
جان کیمی آغوشه چکدی جسم شاه نه قبابی
گوئیا گیزلتدی گردون ابر ایچنده آفتابی
بیر وجب خاک ایچره قویدی جان مینلرجه جهانی
.
.
تاجمال کبریائی گلدی یر اوزره ظهوره
قبر پاکی مظهر اولدی آیت اَلله نوره
بیر تمنای حضوری چکدی مین موسانی طوره
جلوۂ جانانی گورجک آتدیلار الدن عصانی
.
.
بیر امامی که وراردی طعنه لعلى سلسبیله
قدرت اللهی نه نسبت تا ویرم لفظ علیله
من دیمم نعش امامی دفن ایدوب اهل قبیله
چون رعیت دفن ایدنمز پیکر صاحب زمانی
.
.
گوردی اصحاب ایچره یوخدور ذره جه طاقت فراقه
ایستموب مهر ولایت ماهلر دوشسون محاقه
تا که گردون بیر بیریندن سالماسون هرگز اوزاقه
بیرجه قبره یغدی نچّه پیکر خرد و کلانی
.
.
اوز الیله قویدی قبره شهریار کون و امکان
گوئیا سیناده سرّین دفن ایدوب موسی بن عمران
لمعه لمعه نور یزدان اوج ایدور تا عرش یزدان
یا جواب لفظ ارنی دن اوجالموش لن ترانی
.
.
هیکل توحیده قبر غم فزاسی جان یازیلدی
دفتر دیوان عشقه سرخط عنوان یازیلدی
لوح محفوظ مزاره اَلَّذی عطشان یازیلدی
تا ایده آگه بو یردن کلک حق شاه و گدانی
.
.
مظهر ختم رسالت آیت خلّاق بیچون
دللری داغ فراقی ایلین چون لاله پر خون
بیر على آدلی که مینلر لیلینی ایلوبدی مجنون
شاهه دربان اولماقا کسدی او دور پائین پانی
.
.
دود آهیم وار یری اوج ایلسه گر مهر و ماهه
چولقانا گردون گردان بو دلیم تک دود آهه
خورداجا بیر قبر قازدی سرو قامت سر سپاهه
ایلدی پیر سقایه نهره بیر قولسوز جوانی
.
.
همدم ایتدی آفتاب عالم آرانی سُهایه
خضر فرّخ پی یتیشدی چشمۀ آب بقایه
تا ویره عیسای دوران تازه دن جان اول فدایه
جان کیمی آغوشه چکدی اصغر شیرین زبانی
.
.
صورت ظاهرده گرچه بو مزارون آب و گل دور
لیک باطن عالمونده قبله گاه اهل دل دور
آفتاب چرخ گردون مه جمالوندان خجل دور
کسب ایدر سندن نچون بیر عمر دور ضوء و ضیانی
.
.
مصدر انوار یزدان مطلع صبح ازلدور
ذات پاک بی مثالیله حقه ضرب المثلدور
شاهکار صنع رحمان هر گوزلدن بو گوزلدور
قدرینی بولمویدی گرچه بو گروه پست و دانی
.
.
حق مطاف ایلوبدی قبرون کعبه تک شاه و گدایه
ماسوی اللهه سالوبدور ظلّ ممدودیله سایه
جذبه مهروندور ای مه عرش و فرش و کونه پایه
اولماسیدی گر وجودون دهر اولوردی جمله فانی
.
.
ای وران شش گوشه قبری طعنه هر دم شش جهانه
وی ویرن عطشان لبیله تازه دم آب حیاته
قسمت اولسا قبر پاکون باخمارام هرگز فراته
نیلوری سنسیز «پدیده» چشمۀ آب بقانی
.
.
.
#دفن_شهدا #محمود_پدیده
#کربلا_سجاد_گر_چه_دفن_ایدوب_جسمونده_جانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید