یاتموسان مزاریده سینه یاره فاطمه #فاطمیه_سیفی_اردبیلی

زبانحال مولا علی (ع) بر مزار حضرت زهرا (س)
..
..
..
..
#سبک_مسلمون_شهادتی ( 5 سبک سینه زنی و زنجیر )
..
..
..
..
سیفی اردبیلی
..
..
..
..
یاتموسان مزاریده سینه یاره فاطمه
آچ گوزون عم اوغلوا قیل نظاره فاطمه
..
..
..
..
سن مقام عشقیدن آیت حمیده سن
نورِ کردگاریدن نفسِ آفریده سن
خانۀ رسولیدن اوّلین شهیده سن
چاتموسان عجب گوزل افتخاره فاطمه
..
..
..
..
سالدی چرخ دون سنی پنجۀ عداوته
توش ایدوب علی دلین آتش ملالته
یوخلادوب اوشاقلاری گلمیشم زیارته
سسله جان دیوم سنه من دوباره فاطمه
..
..
..
..
وردی دشمن اودلادی بارگاه نازوی
پرپر اولدی گللرون محو ائدوب ایازوی
ایتمدون ئؤلونجه فاش دیلده غملی رازوی
آفرین بو همّت پر عیاره فاطمه
..
..
..
..
ای خزان ظلمیدن سینه خسته سوسنیم
قبروون کناریدور نصف شبده مسکنیم
سن گیدندن ایندیه گُلمیوب یوزوم منیم
دور تسلّی وئر منِ بی قراره فاطمه
..
..
..
..
ای چراغ عزّتیم ای وفالی همسریم
صید اولان قطا کیمی باغلانوبدی شهپریم
سیل تک فراقوه قان الر بو گوزلریم
درد هجرووه مگر وار نه چاره فاطمه
..
..
..
..
بوکدی حیدرون بلا گور نه سرو قدّینی
غسلووی ویرن زمان بیلدی ظلمون حدّینی
گوردی اوندا که سنون یوزده سیلی ردّینی
بولدوم اولموسان نجه بختی قاره فاطمه
..
..
..
..
خوش گونی ایدوب سنه جور اشقیا حرام
اولدی بختور مثل گوندوزونده تیره شام
قویمادی قضا منی کفریدن قصاص آلام
باخدیم ال ورانمادوم ذوالفقاره فاطمه
..
..
..
..
آتش عتابیله اود دوتاندا دامنون
آشکار اولوب منه حدّ رأفتون سنون
من باخاباخا سنه قمچی وردی دشمنون
وای اولا بو کینه جو روزگاره فاطمه
..
..
..
..
شهد زندگی منه غصّه دن شَرنگ اولوب
مسکنیم قفس کیمی مرغ روحه تنگ اولوب
دورد قزل گلون سولوب جمله زرد رنگ اولوب
حسرت اولدی عمریمیز خوش بهاره فاطمه
..
..
..
..
قلبیمی سخوب فلک دست ظلم و قهرده
یوخدی عشق زندگی حیدره بو دهرده
هامی یاندرار چراغ آخشام اولسا شهرده
منده عادت ائتمیشم آه و زاره فاطمه
..
..
..
..
#فاطمیه #فاطمیه_شهادت #سیفی_اردبیلی #ترکی #زبدةالاشعار