شب عاشورا
✍️ زبدة الاشعار ✍️
?: @nohe_torki
مرحوم سعدی زمان
آلوب عمامه اَله شاه لافتی بو گئجه
اَلینده ساچلاری زهرا ایدر دعا بو گئجه
بلا دیارینه حاضردی خَمسةُ النُّجَباء
او دشته غبطه ایدر عرش کبریا بو گئجه
گلوبدی بو گئجه نی تک نوایه آل الله
دولوبدی داد و نوائیله نینوا بو گئجه
سالوبدی عشق حسینی عراق دشتینه شور
مخدّرات حجازی ایدر نوا بو گئجه
شکسته قلبیله زهرا قیزی ایدور ناله
سسینه سس ویروری خیرة النّسا بو گئجه
مخدّرات بنی هاشم ایلوری شیون
گورولّه ماوقع صبحی برملا بو گئجه
دیولّه بو گئجه نین صبحی اولمیا ای کاش
حرمده راحت اولا آل مصطفی بو گئجه
هنوز یوخدی حرم دوزه سنده نامحرم
تالانمیوبدی ستمله حرم سرا بو گئجه
آناسی زلف علی اکبره وورور شانه
منای عشقه تدارک ایدور فدا بو گئجه
خطاب ایلیه لیلایه وار یِری هاجر
فدا اولوم سنه ای معدن حیا بو گئجه
من آگهم نه چکورسَن بیر اوزگه سی بولمز
که وار صبا حکه خبرده نه مبتدا بو گئجه
سنون که دوتمور اَلون قوی من ایلیوم زینت
اولوم سنون یِروه اوغلوا بو گئجه
قیامتین گئجه سی اولسا، بو گئجه سایولور
قیامت عالمی ظاهردی جابجا بو گئجه
بوش امجگه سالوری اصغری آناسی رباب
دیور بالام دوتوب اود یاندی ای خدا بو گئجه
بالیق کیمی چابالور اصغریم الیم اوسته
کسوبله سو یولونی قوم اشقیا بو گئجه
نه خیمه لرده سو وار نه منیم دوشومده سودیم
بالام یانور یانورام، اود توکور هوا بو گئجه
کفن بیچور بو گئجه قاسمینه غریب آناسی
هنوز قاندان اَله یاخمیوب حنا بو گئجه
بو گئجه عزّتی وار هاشمیّه نسوانین
کشیکچی دور اولاررا پور مرتضی بو گئجه
حرم سراده یاتوب راحت عترت عصمت
حرم سرا قاباقندا اَسور لِوا بو گئجه
صباح گئجه حرمین پاسبانی شمر اولاجاق
ویروب خبر اوزی سلطان کربلا بو گئجه
امان صباح گئجه نین قانلو ماجراسیندن
دلیم یانار دله گَلسه او ماجرا بو گئجه
صباح گئجه او قیامت که کربلاده قوپار
او محشره اولا بولمز یقین نما بو گئجه
ایدوب اگرچه #حسینی خطا ولی یارب
حسینه خاطر اونا ایله سن عطا بو گئجه
تفضُّلاً قلم عفو چک خطالرینه
برات قیل اونا بیر خرج کربلا بو گئجه
#شب_عاشورا
#آلوب_عمامه_اله_شاه_لافتی_بو_گجه
#سعدی_زمان
#لمعات_حسینی ص 150
#ترکی
✍️ #زبدةالاشعار ✍️
?: @nohe_torki
نظر دهید