کوفه
مجلس ابن زیاد
✍️ زبدة الاشعار ✍️
?: @nohe_torki
مرحوم سید باقر حرّی(اقبالی زنجانی)
دلیم یانسین دئسم زینب اسیر اهل شام اولدی
خانم زینب اسیر رأس شاه تشنه کام اولدی
.
غلط سوزدی دیللر زینبی دشمن اسیر ائتدی
مگر صدیقۀ کبری قیزی بی احترام اولدی
.
عزیزان سهل سانمون عصمت اللهدور خانم زینب
مقام زینبه باخ عرشیدن والا مقام اولدی
.
همان زینبدی آچدی کوفه ده لعل گهربارین
جرسلر ناله دن قالدی لسانلار لاکلام اولدی
.
لسان الله قیزی ایله تکلُّم قیلدی حیدر تک
گورن سویلردی حیدر تازه دن خلقه امام اولدی
.
همان زینب دایاندی مجلس ابن زیاد ایچره
آلوبدور اهلبیت اطرافینی طرفه نظام اولدی
.
حضوره ایستدی رأس حسینی ، گتدیلر یاران
الینده واریدی شمشیر هندی بی نیام اولدی
.
اشاره ایلدی لعل لب سلطان بطحایه
دیردی حقّه حق ائتدی کمک حجت تمام اولدی
.
ائشیتدی بو سوزی زهرا قیزی زینب دیله گلدی
قیامت چشم زینبده او ساعتده قیام اولدی
.
دئدی لال اولگیلان، فاسق ئوزن، فاجر امیریندی
حسین الله یولوندا طعمۀ تیر و حسام اولدی
.
ز بس که قوّت قلبیله گفتاره گلوب زینب
خجالت اُول پلید ناکس و بی ننگ و نام اولدی
.
علاجین بوندا گوردی سسلنوب گل مجلسه جلاد
داخی تأخیر قیلما زینبه دنیا حرام اولدی
.
دوشوب ابن زیادین بو سوزوندن مجلسه شیون
نه مجلس بلکه گریان اُول سپهر نیلفام اولدی
.
اویاندا آل پیغمبر باش آچدی گلدی افغانه
بویاندا دیده گریان عترت خیرالانام اولدی
.
بویاندا سید سجاد توکدی گوزلریندن یاش
بویوردی عمه جان بو بیحیا چوخ تلخکام اولدی
.
دانشما بو جفا گسترده هئچ رحم و مروت یوخ
بودور خوفیم گورم بو بی حیا صاحب مرام اولدی
.
#کوفه
#مجلس_ابن_زیاد
#دلیم_یانسین_دئسم_زینب_اسیر_اهل_شام_اولدی
#اقبالی_زنجانی
#ترکی
.
✍️ #زبدةالاشعار ✍️
?: @nohe_torki
نظر دهید