زبانحال حضرت رقیه (س) در کوچ اسرا
.
✍️ زبدة الاشعار ✍️
?: @nohe_torki
.
نوید آسال اردبیلی
.
اُسرائیلن گیدورم بابا
منه کربلا وطن اولمادی
نه واریدی غارت ایدوبدیلر
سنه لااقل کفن اولمادی
.
.
سنی اصغرین جانی بیر منه او گوزل گوزونله نظاره قیل
بو دیاری ترک ایدورم اویان او کسوک الونله اشاره قیل
بو رقیووه ایله بیر نظر غم ومحنتینه دو چاره قیل
کیمی من چاغیردیم هرائیمه ولی دادیمه گلن اولمادی
.
.
نجه صرصر ستمیله گور داغیلوبدی گلشن حیدری
فلکین نه رحمی گلوب بیزه داغیدوبدی چوللره ایللری
نه قضا حمایت ایدور بیزه نه قدر ایدور بیزه رهبری
اوقدر فراقیدن آغلادیم گوزومون یاشین سیلن اولمادی
.
.
بابا سن گلنموسن اکبری ایله طول راهیده رهنما
بیزه شمرقمچی ویران زمان داخی قویمیا ویرا اول دغا
بیزه پاسبان اولا اکبریم داخی ویرمیا بیزی اشقیا
یوزه گوز یاشین اَلَدیم بابا ولی دردیمی بیلن اولمادی
.
.
زمن و زمانه نی آغلادوب غم و ماتم والمون سنون
اوتا خیمه نی چکوب اشقیا چوله قاچدیلار حرمون سنون
بس هایاندا قالدی او لحظه ده بابا صاحب علمون سنون
بالا قیزلاری ایله ویردیلار ولی بیر نفر دینن اولمادی
.
.
بابا گوشواره می آلدیلار قولاقیمدا واردی علامتی
ایله بیل بو لشکر کافرون یوخوموش اقللی شرافتی
گوگروبدی ظلم سنانیلن قیزوون بو دشتیده صورتی
نچه مین سپاه جهولیدن بیزه یاوری ایدن اولمادی
.
.
گیدورم خرابه ده گوزلرم سنی بیر گجه یاتا بیلمرم
گوزومی هرآن تیکرم یولا سنی قلبیدن آتا بیلمرم
من أوزوم کی نجم منوّرم گونی گورمسم باتا بیلمرم
گیدورم دمشقی وطن ایدم منه کربلا وطن اولمادی
.
.
ایاقیمدا واردی یارا ولی اونا قویماقا یوخوموز دوا
حرم اهلی سربه سر آغلاشور هاموسی اولوبدیلار هم نوا
بو عطش جانیم اولا هر زمان اورگونده اوخ یارووا فدا
باشا سالمیشوک هامیمیز قرا بیزه تسلیت دیین اولمادی
.
#سبک_بالام_آغلاما_گلوم_آغلاما (بیش از 7 سبک)
.
#کوچ_کربلا
#اسرائیلن_گیدورم_بابا_منه_کربلا_وطن_اولمادی
#آسال_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید